ب ئاوایەكێ جودا سەرۆكێ بنگەهێ لالش پێشوازيێ ل بەرپرسێ لقێ14 و سەرۆكێ ئەنجوومەنێ نەینەوا دكە
تۆرا لالش یا راگەهاندنێ
بەرپرسێ لقێ 14یێ پارتی دیموكراتی كوردستان ل نەینەوا و سەرۆكێ ئەنجوومەنێ پارێزگەها نەینەوا، ئیرۆ رۆژا شەمبوویێ 30/7/2016،سەرەدانا دەستەیا بلندا بنگەهێ لالش ل دهۆكێ كرن و ژئالیێ “شێخ شامۆ”سەرۆكێ بنگەهی ڤە هاتنە پێشوازیكرن.
د دوو هەڤدیتنێن جودا دا،بەحسێ چاوانیا ساخكرنا بیرەوەریا كارەساتا شنگالێ و هەڤكاری و هاریكاریێ كرن ،ژبۆ پتر خزمەتكرنا جڤاكا ئێزدی ل دەڤەرا نەینەوا،هەروەسا گەنگەشە ل سەر چاوانیا خزمەتكرنا رزگاربوویێن ژ دەستێ داعشێ و كەسانێن زەرەر لێ كەفتین هاتە كرن،دووپاتكرن ژی کرن كو بەرهەڤی بۆ ڤێ رۆژێ یێ دئێنە كرن.
هەروەسا بەرپرسێ لقێ 14 و سەرۆكێ ئەنجوومەنێ پارێزگەها نەینەوا،پەسنا رۆلێ بنگەهێ لالش وشەخسێ سەرۆكێ بنگەهی كر،كا چاوان دقۆناغێن سەخت و تەنگ و فرەهیا دا بنگەهی رۆلێ خۆ دیتیە دخزمەتكرنا جڤاكێ خۆ دا،بەحسێ ڤان دوو سالێن بۆری ژی كرن كو چاوا دهەموو بواران دا سەرۆكێ بنگەهی تەخسیری نەكریە و هەتا ب ڤێ واتایێ گۆتن كو بەرێز”شێخ شامۆ”ئێك ژ وان كەسانێن كێم وێنەیە د جڤاکا کوردێن ئێزدی دا و داخواز کرن یێ بەردەوام بت.
تُتاح هذه الصورة أيضا في: کوردی