بنگەهێ لالش ل ئەلمانیا پشكداریێ دڤیستەڤالەكا رەوشەنبیری دە دكت
تۆرا لالش یا راگەهاندنێ
دوهی 8/9/2016ێ،”مەحمود گونایی”ژ رێكخراوا بنگەهێ خێزانی ل باژێرێ بیلیفیلد سەرەدانا بنگەهێ لالش ل ئەلمانیا كر و ژئالیێ”دلشاد سمۆ”بەرپرسێ بەشێ رەوشەنبیریێ بنگەهی ڤە هاتە پێشوازیكرن.
بنگەهێ خێزانی رێكخراوەكە سڤیل یا كلتۆری یە،ب هەڤكاری لگەل باژێرڤانیا بیلیفیلد رابوویە ب رێكخستنا ڤیستەڤالا رەوشەنبیران ل وی باژێری.
دهەڤدیتنەكێ دە “دلشاد سمۆ”بەرپرسێ بەشێ رەوشەنبیریێ بنگەهێ لالش ل باژێرێ بیلیفیلد ل ئەلمانیا ل دۆر پشكداریكرنا بنگەهی دڤیستەڤالا ناڤبری دە ل گەل “مەحمود گونایی” گەنگەشەكر.
سمۆ ئاماژە داوێ چەندێ كو بنگەه دێ چەند چالاكیان دڤیستەڤالێ دە ئەنجام دەتن كو دێ رابت ب سازدانا پێشانگەهەكا جلكێن كوردی لگەل پێشكێشكرنا برگێن سترانێن فلكلۆری یێن كوردی و پێشكێشكرنا پەرتۆكێن رەوشەنبیری ژ پەرتۆكخانا بنگەهی.
ڤیستەڤالا رەوشەنبیران دێ ل رۆژا ئینیێ رێككەفتی 9/9/2016ێ ئێتە ئەنجامدان و هەتا 11/9دێ یا بەردەوام بت و بنگەهێ لالش ل ئەلمانیا ل رۆژا داویێ دێ چالاكیێن خۆ پێشكێش كەتن.
تُتاح هذه الصورة أيضا في: کوردی