قارەمانیا لالش سنوونێ یا پێنجێ ب داوی هات
تۆرا لالش یا راگەهاندنێ
دوهی رۆژا دووشەمبوویێ 14/11/2016ێ،یاریا داویێ یا قارەمانیا لالش سنوونێ یا پێنجێ یا تەپاپێ دناڤبەرا هەردوو تیمێن(كەرادە،شەهید سەلام) دا هاتە ئەنجامدان.
قارەمانیا لالش،ژلایێ بنگەهێ لالش تایێ سنوونێ و نڤیسینگەهێن ب سەر ڤە و ب هەماهەنگی لگەل كابتن”جەمیل حەسەن” و”حسنكو ئەلهسكانی” و هەڤالێن لگەل دە ل رێكخراوا(SP) هاتیە رێكخستن و بۆ ماوێ 15رۆژان یا بەردەوام بوو.
ب ئامادەبوونا”ئلیاس خدر”سەرۆكێ جڤاتا ناوچەداریێ و ژمارەكا رێكخراوێن نێڤ دەولەتی و ناڤخۆیی و جەماوەرەكێ وەرزشی،یارییا داویێ دناڤبەرا هەردوو تیمێن(كەرادە،شەهید سەلام) دا هاتە ئەنجامدان و تیما كەرادە پشتی سەركەفتن تۆماركری ب 2گۆلان بەرامبەر 1ێ ناسناڤێ قارەمانیێ ب دەست ڤە ئینا.
ل داویێ خەلات ل سەر تیمێن قارەمانیێ و دادڤانان و تیما باش و باشترین یاریكەر و گۆلكەر و كاس ل سەر تیمێن ئێك و دووێ هاتنە بەلاڤكرن.
بۆ زانین یاریێن ڤێ قارەمانیێ ل یارێگەها وەرزشی ل ناوچەدارییا سنوونێ ب رێڤە چوون.
تُتاح هذه الصورة أيضا في: کوردی