كۆمەكا قوتابیێن شنگالێ سوپاسیا”شێخ شامۆ” دكن
تۆرا لالش یا راگەهاندنێ
شاندەكێ قوتابیێن ئێزدی ل شنگالێ سەرەدانا دەستەیا بلندا بنگەهێ لالش ل دهۆكێ كرن و سوپاسیا بەرێز”شێخ شامۆ”سەرۆكێ بنگەهی كرن بۆ پشتەڤانی و هاركارییا وی یا بەردەوام بۆ قوتابیان و ب تایبەت یێن ل قوتابخانێن برایەتی ل هەرێما كوردستانێ هاتینە وەرگرتن.
دوهی رۆژا ئێك شەمبوویێ 20/11/2016ێ،شاندەكێ قوتابیێن ئێزدی ل شنگالێ سەرەدانا دەستەیا بلندا بنگەهێ لالش ل دهۆكێ كرن و ژبال”جەعفەر سمۆ”بەرپرسێ راگەهاندنا بنگەهی هاتە پێشوازیكرن.
دهەڤدیتنێ دە “جەعفەر سمۆ”بەرپرسێ راگەهاندنا بنگەهی ژپێش سەرۆكێ دەستەیا بلند ڤە پیرۆزباهی ل قوتابیان كر ب هەلكەفتا وەرگرتنا وان ل قوتابخانێن برایەتی و دووپاتكر كو”شێخ شامۆ”هەموو تایێن لالش راسپاردینە بۆ خزمەتكرنا قوتابیێن ئێزدی.
ژلایێ خۆڤە شاندێ قوتابیان سوپاسیا بەرێز”شێخ شامۆ”سەرۆكێ بنگەهی كرن بۆ پشتەڤانی و هاركارییا وی یا بەردەوام بۆ قوتابیان.
بۆ زانین شاندێ ناڤبری ژ قوتابیێن ل قوتابخانێن برایەتی نەهاتینە وەرگرتن پێكهاتبوو ب ئەگەرێن دووسالێن كەفتنێ یێن بۆری،سەرۆكێ دەستەیا بلندا بنگەهێ لالش رۆلەكێ مەزن هەبوو بۆ پشتەڤانی و هاریكاریكرنا وان،ژبۆ ئاسانكاریكرنا كارێن وەرگرتنا وان وان بۆ راگرتنا وان مەرجان.
تُتاح هذه الصورة أيضا في: کوردی