كۆمەكا كەسایەتیێن قەزا شێخان سەرەدانا دەستەیا بلندا بنگەهێ لالش دكن
تۆرا لالش یا راگەهاندنێ
ل رێككەفتی 6شوباتا 2017ێ،بەرێز”شێخ شامۆ”سەرۆكێ دەستەیا بلندا بنگەهێ لالش/دهۆك ل ئاڤاهیێ بنگەهی،پێشوازی ل كۆمەكا كەسایەتیێن رەوشەنبیری و جڤاكی و ئایینی یێن قەزا شێخان كر.
ل دەستپێكێ سەرۆكێ دەستەیا بلندا بنگەهێ لالش بخێرهاتنا شاندی كر كو پێكهاتبوو ژبنگەهێ لالش تایێ شێخان و كۆمەلا ئێسفنێ یا خێرخوازی و كۆمەلا ئێسفنێ یا گەشەپێدانا جڤاكی،دهەڤیتنێ دا شاندی سوپاسیا”شێخ شامۆ”كر بۆ وێ خزمەتا جڤاكی و رەوشەنبیری یا پێشكێشی دەڤەرا شێخان دكن و دیسان چەندین داخوازی و پێشنیار ئاراستەی بنگەهی كرن بۆ پتر خزمەتكرنا دەڤەرا وان.
ژبال خۆڤە”شێخ شامۆ”داخوازی و پێشنیارێن وان ب ئەرێنی وەرگرتن و سۆزدا وان ئەوا دشیانێن بنگەهی دا بت بۆ بجیکرنا داخوازیێن وان بکەت و دیسان هەول و بزاڤێن خۆ ل گەل ئالیێن پەیوەندیدار ژی بکەت ژبۆ زێدەتر خزمەتکرنا خەلکێ دەڤەرا شێخان .
تُتاح هذه الصورة أيضا في: کوردی