ڤەكۆلینەك دێ ئەگەرێن زێدەبوونا هەڤژینیا پێش وەخت دجڤاكێ ئێزدی دا ئاشكەرا كت
تۆرا لالش یا راگەهاندنێ
دوو ڤەكۆلەرێن ئێزدی كار لسەر ڤەكۆلینەكێ بۆ ئاشكەراكرنا ئەگەرێن زێدەبوونا هەڤژینیا پێش وەخت و بەردان و فرەژنیێ دجڤاكێ ئێزدی دا دكن پشتی زێدەبوونا رێژەیی،كار یێ بەردەوامە و راپرسیەك بۆ وەرگرتنا چەندین تەخان هاتیە دروستكرن.
ڤەكۆلەر(مەحمود ئەلبرغشی) بۆ دەنگێ لالش راگەهاند، پشتی مە دیتی هەڤژینیا پێش وەخت و بەردان د جڤاكێ ئێزدی دا و فرەژنی ل كەمپان و ژ دەرڤەی كەمپان زێدەبوویی،دگەل ڤەكۆلەر( هادی سەعدو) كو بڤی كاری رابووینە وەك ئەرك مە زانی كار لسەر ڤەكۆلین و خووندنەكا بەرفرەه بكەین بۆ گەهشتنا ئەگەرێن ڤێ چەندێ،راپرسیەك مە دروستكریە بۆ وەرگرتنا بۆچۆنا جیێن ئایینی و مامۆستایان و گەنجان و چالاكڤان و ئەكادمیان و هەتا هندەك سنێلەیان،هەر دڤی باری دا دێ دیدار و بۆچۆنێن هندەك تایبەتمەندان هەبن دڤەكۆلینێ دا بۆگەهشتنا ئاریشان و ئەنجامێن ب دەست دكەڤن،ئەڤ ڤەكۆلین هێشتا كار یێ لسەر دئێتە كرن و دەمێ دئێتە تەمامكرن دێ سمیناران ل دەڤەرێن ئێزدی نشین پێشكێش كەین،داكو بگەهیننە چارەیەكێ بۆ بەرژەوەندا گشتی.
زێدەتر گۆت:ئەڤ ڤەكۆلین دێ ژ هەموو دەڤەرێن ئێزدیان ڤەگرت بەری ئاوارەبوون و پشتی ئاوارەبوونێ،هەتا كو حالەتێن هەڤژینیا پێش وەخت ل دەرڤەی وەلاتی ژی هەبن دێ رێژەیێ دیار كەین.
تُتاح هذه الصورة أيضا في: کوردی