كچ و ژنێن رزگاربوویێن ئێزدی ل كەمپا بێرسڤێ2 داخوازا هاریكاریێن زێدەتر دكن
تۆرا لالش یا راگەهاندنێ
كچ و ژنێن رزگاربوویێن ئێزدی ل كەمپا بێرسڤێ2 ئاشكەرا دكن كو حكومەتا عێراقێ ب ئێكجاری ل رەوشا وان ناپرست وهاریكاریا بۆ دئێتەكرن تنێ ژلایێ حكومەتا هەرێمێ ڤەیە،دخوازن پتر هاریكاریا رزگاربوویان بێتە كرن و گرتیێن ماین د دەستێ داعش دا بێنە رزگاركرن.
(لەیلا قاسم) رزگاربوویەكا ئێزدی یە ژ دەستێ داعش ل كەمپا بێرسڤێ2 ئاكنجیە خویاكر،تیرۆرستێن داعش دەمێ ئەم گرتین ژخێزانا من قوتكرم وهەموو خووشك وبرایێن من ژجەم مە برنە جیێن نەدیار و هەتا نهۆ چارەنڤیسێ هندەك ژوان كەسان دیارنینە،دخوازین ئەو كچ وزارۆك وژن و زەلامێن ماین ب زووترین دەم بێنە رزگاركرن وداخواز دكەم پتر هاریكاریا رزگاربوویان ل كەمپێ بێتە كرن.
ژلایێ خۆڤە رزگاربوویەكا دن بناڤێ (ئەسمەهان زیاد)گۆت:ژبەر وێ نەخۆشیا مە د دەستێ تیرۆرستێن داعش دا دیتی ئەز وچەندین مرۆڤێن من بئێشێن دەروونی كەفتن وهەر هەیڤ ب نێزیكی 200 هەتا 300 دۆلارا لجەم نۆژدارا مە چارەسەر دكن،حكومەتا عێراقێ ب ئێكجاری ل مە ناپرست وهاریكاریا بۆ مە دئێتەكرن ژلایێ حكومەتا هەرێمێ ونڤیسینگەها سەرۆكێ حكومەتا هەرێمێ رێزدار(نێچیرڤان بارازانی)یە ودخوازین گرتیێن ماین د دەست داعش دا بێنە رزگاركرن.
لدۆر رەوشا رزگاربوویان رێڤەبەرێ كەمپا بێرسڤێ2(ماهر مشۆ چۆلی)ئاشكەراكر،ب هەموو شیانێن خۆ وەكو كارگێریا كەمپێ ب بەردەوامی هاریكاری و سەرەدانا رزگاربوویان دكەین و مە لژنەیەكا تایبەت ل كارگێریێ دا چێكریە بۆ دوڤچوون وهایداری بوونا رەوشا وان،هەر دەمێ ئێك دئێتە رزگاركرن زوو ب زوو سەرەدانا وان دكەین ولدوڤ شیانێن خۆ پێتڤیێن وان دابین دكن ب رێیا چەندین خۆلا و رێكخراوێن خێرخواز مە كاری یە پشتەڤانیا وان یا مادی و مەعنەوی بكەین،لێ ژلایێ مادی ڤە وەكو پێتڤی ئەم نكارین هاریكاریا وان بكەین ژبەركو رێكخراو دخوازن دەرفەت بۆیێن دەروونی ژی بێتە ڤەكرن دا خۆلێن ل وی باری دا ببن ولسەر داخوازا رزگاربوویان كو دخۆلان داپشكداربن و خۆ ژبیرڤە بكن،وەكو ئەركەكێ پێتڤی لسەر ملێ خۆ دیت ورازیبوون ب هەموو شێوەیان دەستێ هاریكاریێ وپشتەڤانیێ بگەهیننە وان.
تُتاح هذه الصورة أيضا في: کوردی