ب چاڤدێریا “شێخ شامۆ” گەشتەكا زانستی بۆ 60قوتابیێن سەركەفتی هات رێكخستن
تۆرا لالش یا راگەهاندنێ
ب چاڤدێریا بەرێز”شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ،ل رێككەفتی 14شووباتێ،گەشتەكا زانستی ژبۆ 60 قوتابیێن ئامادەیا خانكێ یا تێكەل بەشێ زانستی ل پارێزگەها دهۆكێ هاتە رێكخستن.
قوتابیێن بەشدار دڤێ گەشتا زانستی دا یێن ل كۆرسێ ئێكێ تێكرایا نمرێن وان دسەر 90دا بوون.
دبرگەیەكا گەشتێ دا قوتابیان سەرەدانا بارەگایێ بنگەهێ لالش ل دهۆكێ كر و ژئالیێ بەرێز”شێخ شامۆ” ڤە ب گەرمی هاتن پێشوازیكرن.
ژبال خۆڤە كارگێریا ئامادەیا خانكێ خەلاتەكێ رێزلێنانێ پێشكێشی،سەرۆكێ دەستەیا بلندا بنگەهێ لالش كرن،ژبۆ وێ پشتەڤانیا بەردەواما ل كارگێری و قوتابیێن قوتابخانا ناڤ هاتی دكت.
تُتاح هذه الصورة أيضا في: کوردی