بەرپرسێ ناوچا شێخان یا پارتی دیموكراتی كوردستان سەرەدانا نڤیسینگەها لالش مەهەتێ كر
تۆرا لالش یا راگەهاندنێ
دوهی رۆژا دووشەمبوویێ 19حوزەیرانا 2017ێ،شاندەكێ ناوچا شێخان یا پارتی دیموكراتی كوردستان ب سەرپەرشتیا “ڤیان شێخ میرزا” كارگێرێ لقێ 20ێ پارتی و بەرپرسێ ناوچا شێخان دگەل “دومان جیجو” كارگێرێ ناوچێ و بەرپرسێ رێكخراوا شەهید محمود ئێزدی و”خدر عەلی مادو” بەرپرسێ رێكخراوا دێرسم و “حازم هادی سیتو”و ژمارەكا كادر و ئەندامێن پارتی،سەرەدانا نڤیسینگەها لالش ل كۆمەلگەها مەهەتێ كرن.
شاندێ ناوچا شێخان یا پارتی دیموكراتی كوردستان ژبال”مەهدی حەسەن”بەرپرسێ نڤیسینگەها لالش و”مەروان داود”جێگرێ بەرپرسێ نڤیسینگەهێ هات پێشوازیكرن.
پشتی بخێرهاتنێ، كارگێرێ لقێ 20ێ پارتی بناڤێ ناوچێ و شاندێ دگەل دەستخۆشی ل بەرپرس و ئەندامێن نڤیسینگەها لالش كرن،ژبۆ ئەنجامدانا ژمارەكا زۆر ژ بزاڤ و چالاكیا ل لالش و دیاركر ئەڤە نیشانا خەمخۆریا هەوەیە بۆ هشیاریا نەتەوی و نشتیمان پەروەری یا خەلكێ مە و دئاخفتنا خۆ دا ئاماژە دا ڤان كاودانێت نازك یێ مللەتێ مە تێرا دەرباس دبت تەنها رێكە چارەسەریا بۆ مانا ئێزدیاتیێ سەركەفتنا رێفراندومێ و سەربەخۆیا گەلێ كوردستانێ دێ ئێزدی ژ فەرمان و كارەسات و مال وێرانكرنێ قورتالبن،لەوا وەك ئەركەكێ ئایینی و نەتەوەی ژ مە دئێتە خواستن پالپشتیا ریفراندۆمێ بكەین و پشتەڤانیا پەیاما سەرۆك بارزانی بكەین و نەهێلین مللەتێ مە ل سەر شاشیەكێ ب رێڤەبچن و خۆ توش بكن،ئەڤ چەندە ژی ژ رەوشەنبیر و كەسایەتیێن مە دئێتە خواستن نەخاسمە هەڤالێن لالش پشكا هەرە مەزن كەسانێن ئایینی و رەوشەنبیر ب لالش ڤە دگرێداین.
پاشی بەرپرسێ نڤیسینگەها لالش سوپاسیا شاندی كر و ئەڤ ئامۆژگاری و گۆتنێن وی ب گرنگ دانە زانین ،سۆز و پەیمان دان بەرنامە و چالاكی ژ نۆكە و پێدا رۆژانە هەبن بۆ ریفراندۆمێ و چوونا سەر سندۆقا.
تُتاح هذه الصورة أيضا في: کوردی