دهستهيا بلندا بنگەهێ لالش پیرۆزباهیا قوتابیێن سەركەفتی دكت
تۆرا لالش يا راگەهاندنێ
د بەیاننامەیەكێ دا دەستەیا بلندا بنگەهێ لالش ل دهۆكێ پیرۆزباهیێ ل قوتابیێن سەركەفتی یێن كوردستانێ كر،پشتی ئەنجامێن قوتابیان ژلایێ وەزارەتا پەروەردا حكومەتا هەرێمێ ڤە هاتینە راگەهاندن،ب دلخۆشیەکا مەزن قوتابیێن ئێزدی و ب تایبەت یێن خەلكێ شنگالێ کارین نمرێن بلند و هەری باش ب دەست خۆ ڤە بینن و ئەڤ ئەنجامە نیشانا خۆراگرییا خەلك و مللەتێ مەنە.
بڤێ هەلكەفتێ سوپاسیێن خۆ ئاراستەیی رێزدار”نێچیرڤان بارزانی”سەرۆكێ حكومەتا هەرێما كوردستانێ دكەین بۆ پشتەڤانییا جەنابێ وان یا بێ سنوور بۆ قوتابیێن ئێزدی تایبەت ل ڤەكرنا قوتابخانێن برایەتی(التاخی)بۆ قوتابیێن مە یێن شنگالێ،جەنابێ وان بوویە سەدەم دڤان سێ سالێن بۆری دا خەلكێ مە بكارە درێژیێ ب خوندنا خوە بدن و ب ئەنجام و نمرێن هەری باش ل زانكۆ و پەیمانگەهێن هەرێما كوردستانێ جیبگرن ،دیسان سوپاس بۆ ماندوبونا رێڤەبەریا گشتی یا پەروەردا دهۆکێ و پەروەردا قەزا شنگالێ ب هەماهەنگی دگەل بنگەهێ لالش دسەرخستنا کارێ ڤان قوتابخانان دا درێخی نەکرن، سوپاسیەکا تایبەت بۆ وان مامۆستایێن بەرێز یێن ب شێوەیەكێ خۆبەخش هەر ژ ڤەكرنا قوتابخانێن التاخی ل كوردستانێ كو دابەشكرین لسەر سێ قوتابخانان ل كۆمەلگەهێن خانكێ و شاریا و قەزا زاخۆ،خۆبەخشانە وانە پێشكێشی كچ و كورێن مللەتێ خوە دكرن و نەهێلان كاروانێ خووندن و پێشكەفتنێ دناڤ خەلكێ شنگالێ دا ب سەكنە.
هەروەسا وەك بنگەهێ لالش تەکەز دکەن دێ دبەردەوام بن لسەر پشتەڤانیكرنا تەخا قوتابیان ، هەلبەت ب پشتەڤانیا بێ سنورا جەنابێ سەرۆك بارزانی و سەرۆکێ حكومەتا هەرێما كوردستانێ چ ل قوتابخانان یان ل قۆناغێن زانكۆیێ بن ل كار و خزمەتكرنا خۆ دێ دبەردەوام بن.
پیرۆزباهیێن خۆ ل سەرجەم قوتابیێن كوردستانێ یێن سەركەفتی دكەین و ب هیڤیا پاشەرۆژەكا گەش و ئارمی و تەناهی بۆ هەموو كوردستانێ.
بڤێ هەلكەفتێ دا و ل هەموو هەلكەفتا ژ مە تێتە خواستن خوونا گەشا جانگۆریێن ئاخا كوردستانێ و پێشمەرگەیێن سەنگەران ژبیر نەکن و ب سایا وان ئەڤ دەستكەفتە و پێشڤەچوون ب دەست ڤە دئێت.
دەستەیا بلندا بنگەهێ لالش/دهۆك
24/7/2017
تُتاح هذه الصورة أيضا في: کوردی