ئاهەنگەكا ماتەمینی لسەر گیانێ 8گەنجێن ئێزدی هاتە گێران
تۆرا لالش یا راگەهاندنێ
ل كەمپا چەم مشكۆ ئاهەنگەكا ماتەمینی لسەر گیانێ 8گەنجێن ئێزدی ژ كچ و كوران،دئەڤ سالە دا گیانێ خۆ ژ دەست داینە هاتە گێران.
ئیرۆ سێ شەمبوویێ 27ئادارا2018بنگەهێ لالش تایێ شنگال و نڤیسینگەهێن بسەرڤە ب هەڤكاری دگەل گرۆپێ خیڤی یێ خۆبەخش، مشكۆ ئاهەنگەكا ماتەمینی لسەر گیانێ 8گەنجێن ئێزدی ژ كچ و كوران،دئەڤ سالە دا گیانێ خۆ ژ دەست داینە ل(سنتر روانگە) ل كەمپا چەم مشكۆ گێرا،ب ئامادەبوونا كەس وكارێن مریان و شێخێ وەزیر كۆمەكا قەوالان و كارگێریا كەمپێ و نوونەرێن بنگەهێ لالش و فەرمانگەهێن ئێمناهیێ و كۆمەكا مامۆستایان و رەوشەنبیر و جەماوەرەكی زۆر ژ كەمپێ.
ئاهەنگا ماتەمینی پێكهات بوو ژ كۆمەكا بەیتا و سترانێن خەمگینی لسەر گیانێ مریان،زێدەباری گۆتنا چەند دروشم و هۆزانان و هەلكرنا شەمالكا لسەر گیانێ گەنجان و پێشكێشكرنا گولان ژبال گەنجێن گرۆپی و كەس و كارێن گەنجان.
تُتاح هذه الصورة أيضا في: کوردی