پتری 60 زارۆکێن ئێتیم و رزگاربووی پشکداری گەشتەكێ بوون بۆ پەرستگەها پیرۆزا لالش
تۆرا لالش يا راگههانێ
ب مەرەما ژنێزیک دیتنا پەرستگەها پیرۆزا لالش، ل رۆژا شەمبووێێ رێکەفتی 26 گولانا 2018 بنگەهێ لالش تایێ شاریا ب هەماههنگی دگەل سەنتەرێ پەناگەهـ و ب سپونسەریا خۆبەخشێ ئەمریکی (ئەندریاس) رابوون ب رێکخستنا گەشتەکێ بۆ پتری 60 زارۆکێن ئێتیم و رزگاربوویێن دەستێ تیرۆرستێن داعش ئەوێن پشکداربووین دخۆلا (چارەسەریا هلهەژیانا دەروونی)دا ل سەنتەرێ ناڤبری ل کۆمەلگەها شاریا.
ئەڤ گەشتە هاتە ئەنجام دان بۆ پەرستگەها پیرۆزا لالش لدیڤ پرۆگرامێ خۆلێ و دیسان لسەر داخوازا زارۆکێن خۆلێ،كو ههتا نهۆ گەلەک ژوان زارۆکان پەرستگەها پیروزا لالش نەدیتبوون و هندەک ژوان نەهاتبوونە مۆرکرن و دڤێ گەشتێ دا ب ئاڤا کانیا سپی هاتنە مۆرکرن .
ل دەستپێکێ پێشوازی هاتەکرن ژلایێ بابێ چاویش و ب گەرمی بخێرهاتنا زارۆک و ئەنجامدەرێن ڤێ گەشتێ هاتە کرن و پاشی سەرەدانا چەندین جيێن پیرۆزێن پەرستگەها پیرۆزا لالش هاتە کرن و ئەو جى بۆ زارۆکان هاتنە شرۆڤەکرن ژلایێ خلمەتکارێن پەرستگەهێ مینا ( مەزارێ شیخادی، زمزم، کانیا سپی، ستونا مرازا و چەندین نیشانێن بابچاکێن ئێزدیان).
هەروەسان پشتی سەرەدانا جيێن پیرۆز و خوارنا نانێ نیڤرۆ ل پەرستگەها لالش و ژبۆ پتر کەیفخۆشکرنا زارۆکان و خستنا گرنژینێ لسەر لێڤێن وان دەست ب چەندین برگێن جوداجودا هاتە کرن کو هاتبوونە ئامادەکرن ژلایێ کادر و خۆبەخشێن سەنتەرێ ناڤبری و ئەندامێن بنگەهێ لالش مینا (بەریکانێن جۆراوجۆر، ستران، هۆزان، دیلان و دانس)،ئەڤ گەشته بوو جيێ دلخۆشیا زارۆکان و هیڤی خواستن ئەڤ جۆرە گەشتە دبەردەوام بن.
هەژیە بێژين ژبلی زارۆکێن پشکدار دڤێ گەشتێ دا نێزیکی 30 خۆبەخشێن بیانی و کادر و خۆبەخشێن سەنتەرێ پەنەگەهـ و هەڤال و ئەندامێن بنگەهێ لالش تایێ شاریا پشکداری ڤێ گەشتێ بوون.
تُتاح هذه الصورة أيضا في: کوردی