تهڤكوژيا تهگرعزێر و سيبا شيخدرێ و كۆچۆ ل كهمپا مام رهشان هاته ساخكرن
تۆرا لالش يا راگههاندنێ
ب ههلكهفتا بيرهوهريا دلتهزينا تهڤكوژيا گرعزێر و سيبا شيخدرێ و كۆچۆ،ئيرۆ چارشهمبوويێ 15ى تهباخا 2018،بنگههێ لالش تايێ شنگال و نڤيسينگههێن بسهرڤه ب ههڤكارى دگهل كارگێريا كهمپا مام رهشان و لژنا حزبى و رێكخراوان،ئاههنگهكا ماتهمينى بۆ ساخكرنا وان بيرهوهريان گێرا.
ل ياريگهها كهمپا مام رهشان و ب ئامادهبوونا نوونهرێ بنگههێ لالش تايێ شنگال و رێڤهبهر و فهرمانبهرێن كهمپێ و نوونهرێ لقێ 17يێ پارتى ديموكراتى كوردستان و بهرپرسێن فهرمانگههێن ئهمنى و رێكخراوێن ل كهمپێ كار دكن و هندهك رزگاربوويان و كهس و كارێن قوربانيان و جهماوهرهكى زۆر ئاههنگا ماتهمينى هات گێران.
ل دهستپێكا گێرانا ئاههنگێ وهك رێزگرتن و وهفادارى بۆ گيانێ جانگۆريێن گرعزێر و سيبا شيخدرێ و كۆچۆ و ههموو جانگۆريێن كوردستانێ ئامادهبوويى خۆلهكهكێ سهكنين،ل پێرا نوونهرێ بنگههێ لالش پهيڤهك ژ پێش بنگههى و كارگێريا كهمپێ و لژنا حزبى پێشكێشكر.
د ئاههنگا ماتهمينى دا كو ژ چهند پهنهلان پێك هاتبوو كۆمهكا دروشمان ب زمانێن كوردى و ئهرهبى ژبال چهند هۆزانڤان ڤه هاتنه گۆتن كو دهربرين ژ دهردهسهريێن بسهرێ ئێزديان هاتين دكرن،پاش كۆمهكا ستران خهمگين ژلايێ كۆمهكا زارۆكان ڤه هاتنه پێشكێشكرن لسهر دهردهسهريا وان پشتى ئاوارهبوونێ.
دپهنهلهكى دى دا شانۆگريهك بناڤێ(دهرگههێ دلێ مه ڤهكريه بهرى دهرگههێ مالێن مه ههمبهر رزگاربوويان)،ژبال كۆمهكا گهنجان ڤه لدۆر دهست بسهرداگرتنا داعش بۆ دهڤهرێن ئێزديان و كوشتن و گرتنا ب ههزاران ئێزديان و نهخۆشيێن تووشبووينێ پشتى ئاوارهبوونێ.
تُتاح هذه الصورة أيضا في: کوردی