ژێدەرەکێ بەرپرسیار ژ بنگەهێ لالش: بازرگانیکرن ب کوردبوونا ئێزدیان یاریەکا بێ بەهایە 

ژێدەرەکێ بەرپرسیار ژ بنگەهێ لالش: بازرگانیکرن ب کوردبوونا ئێزدیان یاریەکا بێ بەهایە 

تۆرا لالش

ژ دەمەزراندنا بنگەهێ لالش یێ رەوشەنبیری و جڤاکی بەریا ٢٨ سالان، بەرسڤ دانا تەڤایا نڤیسەر و ڤەکۆلەرێن کو دەربارەیی کوردبوونا ئێزدیان دا نە براستگۆیی نیڤیساندین، ژ ئارمانجێن هەری سەرەکی یێ بنگەهێ لالش بوویە، و تا رادەیەکی باش دڤی واری دا سەرکەتی بووینە کو هەولێن وان و ئەجندایێن پشت وانرا هاتینە ژ ناڤ برن کو مەرەم ژێ ئەو بوویە پێکهاتێن کوردستانێ پرت و بەلا بکەن.

د باوەریا مەدا ئەم د هەولێن خوەدا سەرکەتی بوونە و نەها هەمی جیهان دزانە ئێزدی کوردن و بەلکو کوردێن رەسەنن و ئەڤ یەک بوویە جهێ گرنگیێ ل ناڤەرۆکا ڤەکۆلینێن سەردەمی کو رێزێ ل هزر و بیرێن سەردەم دگرە، د هەمان دەمدە یێن کو دخوازن ل دەرڤەیی بازنێ راستیێ بانگ بکن راستی شکەستنێ تێن کو ل بەرژەوەندیێن کەسۆکی هەمبەر رستیا دیرۆکی دگەرن هەلبەت ئاخفتن لسەر نایێ کرن بەلکو بازرگانیکرن ب کوردبوونا ئێزدیان بوویە یاریەکا بێ بەها کو کەس تەڤلی ڤێ یەکێ نابە تنێ یێن کو رەسەنەتیا خوە و باب وکالێن خوە رەت و ئینکار بکە .

د ماوێ کارێ مە دا ل بنگەهێ لالش ئەم راستی هنەک کەسێن ڤان یاریان دکن هاتن هم ئێزدیان ەوک عەرەب و جارنە ژی وەک نەتەوەکا سەربەخوە و جارنە ژی وەک ئاشوری دبێژن ، ژبەرکو خوەدیێن ڤان دەنگان هێژایی بەرسڤ دانێ نەبوون و مە نەخوەست ژ بۆ وان پرۆپاکندان بکن .
سەبارەت گرژیا بەربەلا ( کەڤن و نوو ) دەربارەیی نەتەوەیا ئێزدیان ئەم دبێژن :
ئەم ل بنگەهێ لالش پشتەڤانیا هەر کەسەکی ئێزدی دکن کو ل هەمبەر ڤان جۆرە هەولێن شێواندنا کوردبوونا ئێزدیان دکن لڤر ئەم ئاماژێ ل بەرێز هەرمان میرزا بەگ و کۆمەلا کانیا سپی ل بیلیفیلد دکن هەروەها ئەم چاڤەرێ نە ژ نڤیسەر و رۆژنامەڤانێن ئێزدیان کو بەرسڤا هەر هەولەک بخوازە شێواندنا راستیا دیرۆکی بکەت بێتە بەرسڤ دان، لڤر دووبارە دکن ژ بۆ وان کەسێن دڤی واری دا یاریان دکن دبێژن : رۆژا ئێزدیاتیێ وێ هەر رێ یا ئێزدیان رۆن بکە ، کوردبوونا مە فەخر و شانازی یە ژ بۆ مە ، دەما ئەم دبێژن ئەم کوردن نە منەتە و نە تەمەلقە بەلکۆ رەستیەکا دیرۆکی یە کو زمانێ هەمی قەول و بەیتێن ئێزدیاتیێ ب زمانێ کوردیێ پەتی یە زێدەرباری عرف و ئادەت و جل وبەرگێن فلکلۆری هەر وەها جی و جوگرفیەتا ئێزدیان ل ئیراق، ترکیا، سوریا و ئیرانێ کو ل دەڤەرێن کوردستانی نە .

ژ بح هەر دەنگەکی بێژت کو ئێزدی نە کوردن ئەو دکارە ژ بۆ تاک و کەساتیا خوە بژت ، رێ ژبۆ وی نایێ دایین لسەر ناڤێ تەمامیا ئیزدیان باخفت ژبەرکو دکارت ژبۆ بەرژەوندییێن خوە کار بۆ هەر لایەکی بکەت ، لێ وێ ژ راستیا دیرۆکی دوور ببت و میناک و سەربۆر دڤی واری دا هەنە و تێ فام کرن.
ژێدەرەکی بەرپرسیار
ژ بنگەهێ لالش یێ رەوشەنبیری و جڤاکی

4ى نيسانا 2021

تُتاح هذه الصورة أيضا في: کوردی