ب هەلکەفتا جەژنا کرێکاران هاریکاری لسەر کرێکارێن باژێرڤانيا شاریا هاتنه به‌لاڤكرن
سه‌ما:
ل رۆژا شەمبوویێ 1ى ئه‌يارا2021ێ ب هەلکەفتا سالرۆژا جیهانی یا کرێکاران (جەژنا کرێکاران)،بنگەهێ لالش تایێ شاریا ب هەماهه‌نگی دگەل باژێرڤانيا شاریا و رێکخراوا نوپێل بۆ گەشەپێدانا جڤاکی رابوون ب به‌لاڤكرنا شریناهیان وهاریکاریێن جەژنێ بسەر کرێکارێن باژێرڤانيێ دا.
ل دەستپێکێ بەڕێز دلگه‌ش سه‌لیم شه‌مو بەرپرسێ بنگەهێ لالش تایێ شاریا گەرمترین و جوانترین پیرۆزباهی ئاراستەی هەموو کرێکاران کر و کورتیەك لدۆر دیرۆك و خەباتا کرێکاران ئانی زمان،هەروەسا کەد و زەحمەت و خەباتا وان دەرهەقێ خزمەتا جڤاکی دا ب پیرۆزی دازانین، ب تایبەت کرێکارێن باژێرڤانيا شاریا کو رۆلەکێ مەزن هەبوو د پاقژکرنا جادە وکۆلان و سەروسیمایێ کۆمەلگەهێ دا.
لدووڤ دا هەموو کرێکار ب دیاریێن بنگەهێ لالش تایێ شاریا هاتن خەلاتکرن کو پێک هاتیبوون ژ شریناهیێن جەژنێ و کەلوپەلێن خوارنێ.
تُتاح هذه الصورة أيضا في: کوردی