رێكخراوەكا فەرەنسی رۆلێ بنگەهێ لالش بۆ ناسینا ئێزدیاتیێ بلند نرخاند
تۆرا لالش/دهۆك
رێكخراوا( promediation) یا فەرەنسی سەرەدانا دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ كر.
شاندێ رێكخراوێ یێ پێكهاتی ژ عەلا حسین جێگرێ رێكخراوێ و ئاراز بەرواری رێكخەر ل كوردستانێ و بەدرخان قاسم رێكخەر ل شنگالێ ژلایێ بەرێز شەمۆ قاسم بەرپرسێ پشكا رەوشەنبیری ل بنگەهێ لالش هاتنە پێشوازیكرن.
دروونشتنێ دا هەردوو لایان چەندین پرسگرێكێن گرێدایی جڤاكا ئێزدیان و ئازارێن وان پشتی هێرشا داعش یا تیرۆری و چاوانیا كێمكرنا ڤان ئازاران،زێدەباری ئێكگرتنا گۆتارا ئێزدیان و هەڤكاریكرن دڤی بواری دا گەنگەشەكرن.
ژلایەكێ دی ڤە ئامادەبوویان رۆلێ بنگەهێ لالش بۆ ناسینا ئێزدیاتیێ بۆ جیهانێ و هشیاركرنا جڤاكی و ب تایبەت گەنجان بلند نرخاند.
شەمۆ قاسم بەرپرسێ پشكا رەوشەنبیری ل بنگەهێ لالش سوپاسیا رێكخراوێ كر بۆ رۆلێ دگێرت بۆ پشتەڤانیا ئارامی و هەڤگرتنا جڤاكی ل شنگالێ.
تُتاح هذه الصورة أيضا في: کوردی