جێگرێ سەرۆكێ بنگەهێ لالش:”حكومەتا هەرێما كوردستانێ ل سەر پشتەڤانی یا بنگەهێ لالش دێ یا بەردەوام بت”
تۆرا لالش/دهۆك
جێگرێ سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی راگەهاند؛حكومەتا هەرێما كوردستانێ هەردەم پشتەڤانی ل بنگەهێ لالش كریە و ل سەر ڤێ پشتەڤانیێ دێ یا بەردەوام بت.
ئیرۆشەمبوویێ 16ی نیسانا 2022ێ كۆمبوونا ئاسایی یا دەستەیا بلندا بنگەهێ لالش ب سەرپەرشتیا بەرێز”حاكم بەرجەس” جێگرێ سەرۆكێ بنگەهی و ئەندامێن دەستەیا بلند و بەرپرسێن تایێن لالش هاتە ئەنجام دان و تێدا چەندین تەوەر هاتنە بەحسكرن.
ل بەراهیێ حاكم بەرجەس جێگرێ سەرۆكێ بنگەهێ لالش ب تێر و تەسەلی بەحسێ كۆنگرێ چاردێ یێ بنگەهێ لالش كر،كو هەموو ئامادەكاری بێنە كرن بۆ هندێ كۆنگرەكێ سەركەفتی و ب رێك و پێك بێتە گێران.
دتەوەرەكێ دی دا جێگرێ سەرۆكێ بنگەهێ لالش خواست هەموو تایی و نڤیسینگەهێن لالش گرنگیێ بدەنە جەژنا سەر سالێ،چنكو سالانە ل سەر راسپاردێن خودێ ژێ رازی شێخ شامۆ هەموو تایی و نڤیسینگەهێن لالش ب هەلكەفتا جەژنا سەرسالێ هاریكاری پێشكێشی خێزانێن هەژار و كێم دەرامەت دكرن.
دلایەكێ دا حاكم بەرجەس دووپاتكر كو حكومەتا هەرێما كوردستانێ هەردەم پشتەڤانی ل بنگەهێ لالش كریە و ل سەر ڤێ پشتەڤانیێ دێ یا بەردەوام بت،چنكو بنگەهێ لالش ڕۆلەكێ كارا هەبوویە ل پێشخستنا جڤاكا ئێزدیان دا.
ل داویا كۆمبوونێ گەنگەشە ل سەر گرنگترین كار و بزاڤ و چالاكیێن لالش دناڤبەرا ئەندامێن دەستەیا بلند و بەرپرسێن تایێن بنگەهێ لالش دا هاتە كرن.
تُتاح هذه الصورة أيضا في: کوردی