بنگه‌هێ لالش هاريكاريێن مرۆڤى ل سه‌ر 100په‌ككه‌فتى و خێزانێن ده‌رامه‌ت به‌لاڤكرن
تۆرا لالش:
دبه‌رده‌واميا به‌لاڤكرنا هاريكاريان بسه‌ر خێزانێن ده‌ست كورت دا، ل كۆمه‌لگه‌ها شاريا 100په‌ككه‌فتى و خێزانێن كێم ده‌رامه‌ت هاتنه به‌لاڤكرن.
دكڤانێ بزاڤ و چالاكيێن خۆ يێن به‌رده‌وام دا،بنگەهێ لالش تایێ شاریا ب پالپشتیا كه‌نيسا يسوع المسيح يا ئەلمانی و که‌نیسا زاخو الانجيلية ل هۆلا لالش ئێک رابوون ب به‌لاڤكرنا هاریکاریێن مرۆڤی ل سەر 100 کەسێن پەککەفتی و خێزانێن کێم دەرامەت یێن ئاوارێن شنگالێ و خەلکێ کۆمەلگەها شاریا.
ئەڤ هاریکاری ژ چه‌ندين کەلوپەلێن خوارنێ یێن جۆراوجۆ پێکهاتبوون بسه‌ر ڤان خێزانان دا هاتن به‌لاڤكرن.
بنگه‌هێ لالش تايێ شاريا سوپاسيا خانما پارێزەر”سوزان خودێدا” كر،بۆ رۆلێ وێ يێ بەرچاڤ دگه‌هاندن و به‌لاڤكرنا ڤان هاریکاریان دا.
تُتاح هذه الصورة أيضا في: کوردی