بنگەھێ لالش گڕۆپه‌كێ خۆبه‌خشێ ژينگه‌هێ ل ناحيا خانكێ خه‌لات دكه‌ت
تۆڕا لالش:
ئيرۆ ڕۆژا ئينيێ،بنگەھێ لالش تایێ خانکێ ب ھەڤکاری ل گەل دەستەیا بلند یا بنگەھێ لالش ڕابوو ب خەلاتکرنا گڕۆپێ خۆبەخش بۆ پاقژکرنا ژینگەھێ ل ناحیا خانکێ کو پێکھاتبوو ژ 26 کور و کچێن دەرچویێن کولیژ و پەیمانگەھان.
ل دستپێکێ رێزدار “سه‌عید جردۆ” سەرۆکێ دەستەیا بلند یا بنگەھێ لالش پەیڤەک پێشکێشکر و دەست خۆشی ل گڕۆپێ ناڤبرى کر و پشتەڤانیا بنگەھێ لالش بۆ وان دا خویاکرن.
پاشان “خێرى جه‌عفه‌ر” سەرۆکێ باژێرڤانیا خانکێ سوپاس و دەست خۆشی ئاڕاسته‌ى گڕۆپى کرن کو کارەکێ باش ماوێ بۆرى دا ل ناحیا خانکێ ئه‌نجامداينه.
لدووڤدا هه‌موو ئه‌ندامێن گڕۆپێ خۆبه‌خشێ ژينگه‌هێ هاتنه خه‌لاتكرن و نوونەرا گڕۆپێ ژى سوپاسیا بنگەھێ لالش کر بۆ پشتەڤانیا وان و دياركرن كو ئه‌و دێ دبەردەوام بن ل سەر کارێ خۆ.
ب مەرەما پاقژکرنا ژینگەهێ ل ده‌ڤه‌رێ،گڕۆپه‌كێ خۆبه‌خشێ ژينگه‌هێ ل ناحيا خانكێ هاتيه پێكئينان و هه‌تا نۆكه چەندين هەوێن پاقژکرنێ ئەنجام داينه.
تُتاح هذه الصورة أيضا في: کوردی