پێنج شهما ڕهوشهنبيرى.. دانوستاندن ل سهر وێستگههێن ديرۆكا شنگالێ هاته كرن
تۆڕا لالش/دهۆك
دچارچووڤێ پێنج شهما ڕهوشهنبيرى يا هزرى دا،ئێڤاريا ئيرۆ 4ى نيسانا 2024ێ،ب ئامادهبوونا ههژمارهكا كهسايهتى و ڕهوشهنبيران بنگههێ لالش ل دهۆكێ دانوستاندنهكا ڤهكرى ل دۆر(شنگال و چهند وێستگههێن ديرۆكێ)بۆ نڤيسكار “شكر خدر” ل دارخست.
دڤێ دانوستاندنا ڤهكرى دا نڤيسكار “شكر خدر” ب دڕێژى ئاماژه دا گرنگيا ديرۆك و ستراتيژيهتا چيايێ شنگالێ ژ چهندين ئاليان ڤه كو ل سهردهمێن بهرێ تا نۆكه ناكۆكيێن مهزههبى و ههرێمى ل سهر ههنه و باس ل ههبوونا ئێزديان و گوهۆرين و قۆناغ و فهرمانێن بسهر ئێزديان دا هاتين ل شنگالێ كر.
گۆت ژى:ژ روويێ ئايينى ڤه شنگال دهڤهرهكا ههستيار بوويه و ئهڤ فهرمانێن بسهرێ ئێزديان دا هاتين ژبهر ئاينێ وان بوويه و سهربارى هندێ بهرهڤانى ل خۆ دكرن و ئاينێ خۆ پاراستينه،ههرديسان شنگالێ گرنگيا خۆ ل نك ههموو دهستههلاتدارێن عيراقێ يێن هاتينه سهر حوكمى ههبوويه،ژبهركو دهڤهرهكا چاندنێ و بازرگانى بوو ،چنكو دهڤهرهكا زۆر گرنگه.
پاشان دانوستاندنەکا مفادار دناڤبەرا ئامادەبوویان دا هاته كرن و چهندين پرسيار ل دۆر بابهتى ئاراستهى نڤيسكارى هاتنه كرن و بهرسڤ ل سهر ههموويان هاته دان.
ژ ئاليێ خۆ ڤه ڕێزدار”سهعيد جردۆ” سهرۆكێ بنگههێ لالش دياركر؛ئارمانج ژ ئهنجامدانا ڤان جۆره چالاكيێن هزرى بۆ هندێ تێكهلبوونا ڕهوشهنبيران يا بهردهوام بت و ل داهاتى چالاكيێن گرنك بۆ تهخا گهنجان دێ ههبن و كار ژبۆ گێرانا وهرزهكێ ڕهوشهنبيرى دكهين.
تُتاح هذه الصورة أيضا في: کوردی