پەیاما سەرۆک بارزانی بۆ بیرئانینا چل و چوار سالیا جینۆسایدا کوردێن فەیلی
بناڤێ خودێ مەزن و دلوڤان
خوشک و برایێن کوردێن فەیلی دناڤ دەولەتا عێراقێدا نەخوشی و دەربەدەری و مەینەتێن زور دیتنە، گونەهاوان ژی تنێ پشتەڤانیکرنا شۆڕش و بزاڤا رزگاریخوازیا کورد و کوردبوونێ بوویە، دەرخستن و لێوەرگرتنا ناسناڤێ سەدان هزار کەسان و ل خوشک و برایێن کوردێن فەیلی و بەزرکرنا هزارەها گەنجێن فەیلی ژلایێ رژێما بەرێ یا عێراقێ، تاوان و زوڵمەکا گەلەک مەزن بوو، پشکەک بوو ژ زنجیرە تاوانێن حکوومەتێن ئێک ل دیف ئێکێ یێن عێراقێ بۆ ژ ناڤبرنا گەلێ کوردستانێ ئەنجامدای.
پێتڤییە حکوومەتا عێراقا فیدڕاڵ ب ئەرکێ خۆ ڤەگەراندنا مولک و ماڵ و ناسناڤ و قەرەبوکرن و نەهێلانا ئاسەوارێن جینۆسایدکرنا کوردێن فەیلی جێبەجێ بکەت.
د بیرئانینا چل و چار ساڵیا جینۆسایدکرنا کوردێن فەیلی سلاڤ و بۆ گیانێ پاقژێ شەهیدێن کوردێن فەیلی و هەمی شەهیدێن رێکا ئازادیا کوردستانێ دهنێرین، رۆڵ و دڵسوزیا خوشک و برایێن فەیلی بۆ دۆزا نەتەوە و بزاڤا رزگاریخوازا کوردان چ دەما ناهێتە ژبیر کرن.
تُتاح هذه الصورة أيضا في: کوردی