سهرۆك نێچیرڤان بارزانى: داخوازێ ژ حكومهتا ئیراقێ دكهم رهگهزنامه، سامان و مالێ كوردێن فهیلى بۆ وان ڤهگهڕینیت
گاڤ
سهرۆك نێچیرڤان بارزانى پهیامهك ب ههلكهفتا 44 سالییا جینۆسایدا كوردێن فهیلى بهلاڤكر و داخواز ژ حكومهتا ئیراقێ كر، رهگهزنامه، سامان و مالێ كوردێن فهیلى بۆ وان ڤهگهڕیت.
ئهڤرۆ پێنجشهمبێ 4-4-2024ێ نێچیرڤان بارزانى، سهرۆكێ ههرێما كوردستانێ پیامهك د یادا 44 سالییا جینۆسایدا كوردێ فهیلى دا بهلاڤكر و راگههاند، د پێلهكا درندانهدا رژێما وى دهمى یا ئیراقێ ژبهر كوردبوون و پشتهڤانییا وان ل شۆڕشا كوردستانێ، كوردێن فهیلى بهرهنگارى، كوشتن، گرتن، دهرخستن و بێسهرشوونكرنێ بوون، رهگهزنامهن ناسنامه و مال و حالێ وان ژێ هاته وهرگرتن.
سهرۆك نێچیرڤان دبێژیت: “د ڤێ یادێ دا داخوازێ ژ حكومهتا ئیراقا فیدرال دكهم بڕیارا دادگهها بلند یا تاوانان ل ئیراقێ كو ئهو تاوان ب جینۆساید ناساند، كوردێن فهیلى ژ ههموو روویهكى ڤه بهێنه قهرهبووكرن، رهگهزنامه، ملك و مالێ وان بۆ وان ڤهگهڕیت و كێشهیێن وان بهینه چارهكرن، بۆ ڤێ یهكێ ژى بزاڤێن مه دێ بهردهوامن و ههر چ یا پێدڤى بیت دێ هاریكار بین”.
سهرۆكێ ههرێما كوردستانێ دبێژیت: جینۆسایدا كوردێن فهیلى و ههموو بزاڤێن نههێلانا وان و تاوانێن د دهرحهف گهلێ كوردستانێ دا هاتینه كرن، دیرۆكا رهش و بۆرى یا تهحل یا شاشیێن ئیراقێ بوویه و بوویه ئهگهرێ نههامهتى و نهسهقامگێرییا وهلاتى، دڤێت ئهو رابڕدو بۆ ههمییان ببیته پهند و وانه و بۆ پاشهرۆژهكا باشتر ل سهر بنهمایێ پێكڤهیى و ئێكودوقهبوولكرنێ ل ئیراقێ ژێ بهێته وهرگرتن.
ل دوماهییا پهیاما خۆ ژى سهرۆكێ ههرێما كوردستانێ سلاڤ بۆ گیانێ شههیدێن كوردێن فهیلى و ههموو شههیدێن دى یێن كوردستانێ ههبوون.
تُتاح هذه الصورة أيضا في: کوردی