بنگه‌هێ لالش گرنژینێ ل سه‌ر لێڤێن زارۆكێن خودان پێتڤیێن تایبه‌ت په‌یدا دكه‌ت
تۆرا لالش
بنگه‌هێ لالش تایێ شنگالێ ب رێكا نڤیسینگه‌ها خۆ یا 14 ته‌باخێ، ئاهه‌نگه‌كا تایبه‌ت بۆ زاروكێن خودان پێدڤیێن تایبه‌ت ل دار خست ئه‌ڤ چالاكییه ل ناڤه‌ندا مه‌نارا فێركرنێ یا ل كۆمه‌لگه‌ها شاریا هاته ئه‌نجامدان.
ئارمانجا سه‌ره‌كی یا ڤێ چالاكییێ ئه‌و بوو كو گرنژینێ ل سه‌ر لێڤێن زارۆكان و ده‌مه‌كێ خوه‌ش بۆ وان په‌یدا بت، هه‌روه‌سان گه‌له‌ك چالاكیێن جۆراوجۆر هاتنه ئه‌نجامدان دا كو زاروك پێ دلخوه‌ش ببن.
د داویا ئاهنگێ دا، دیاری ل سه‌ر زاروكان هاتنه به‌لاڤكرن ئه‌ڤ دیاری وه‌ك نیشانه‌كا هه‌ژیكرن و گرنگیپێدانێ بوون بۆ وان زاروكان.
رێڤه‌به‌رییا ناڤه‌ندا مه‌نارا فێركرنێ سپاسی و پێزانینا خۆ بۆ نڤیسینگه‌ها لالش 14 ته‌باخێ دیار كر و ئه‌ڤ چالاكییه ب ده‌ستپێشخه‌رییه‌كا جوان و گرنگ هژمارت.
ئه‌ڤ جۆره چالاكی دبنه ئه‌گه‌رێ ب هێزكرنا پێكڤه‌ژیانێ د ناڤبه‌را جڤاكێ دا و هاریكارییا زاروكێن خودان پێدڤیێن تایبه‌ت دكه‌ن داكو هه‌ست ب گرنگیا خۆ بكه‌ن و باوه‌رییا ب خۆ زێده‌تر بكه‌ن.
تُتاح هذه الصورة أيضا في: کوردی