فه‌رماندێ پێشمه‌رگه قاسم ده‌ربۆ سه‌ره‌دانا بنگه‌هێ لالش كر
تۆرا لالش
ئیرۆ رۆژا دووشه‌مبوویێ ل رێكه‌فتی 23/9/2024ێ، فه‌رماندێ هێزێن پێشمه‌رگه‌یێ چیایێ شنگالێ قاسم ده‌ربۆ سه‌ره‌دانا بنگه‌هێ لالش كر و ژلایێ سه‌رۆكێ بنگه‌هی ڤه رێزدار سه‌عید جردۆهاته پێشوازی كرن.
دووڤدا ناڤهاتی سه‌ره‌دانا باره‌گه‌هێ كه‌نالێ سه‌ما كر و ژلایێ رێڤه‌به‌ر و كارمه‌ندێن كه‌نالی ڤه هاته پێشوازی كرن و گه‌ریانه‌ك دناڤ كه‌نالی دا كر.
قاسم ده‌ربۆ، ئێك ژ وان قه‌هره‌مانایه د به‌رخۆدانا چیایێ شنگالێ دا د ده‌مێ هێرشا رێكخراوا تیرۆریستی داعش دا ل سالا 2014ـێ، وی به‌رگرییه‌كا مه‌زن ژ چیایێ شنگالێ كر.
د ڤێ سه‌ره‌دانێ دا، قاسم ده‌ربۆ هاته ژ نێزیكڤه هایداری كار و چالاكیێن بنگه‌هێ لالش و كه‌نالێ سه‌ما بوو، ژبه‌ركو گرنگیه‌كا تایبه‌ت دده‌نه پاراستن و به‌لاڤكرنا چاندا كوردی ب گشتی و یا ئێزدیان ب تایبه‌تی.
قاسم ده‌ربۆ سوپاسیا خوه بۆ كارمه‌ندێن هه‌ردوو ده‌زگه‌هان دیار كر كو كارێ بنگه‌هی یێ گرنگه بۆ پاراستنا ناسناما مه یا نه‌ته‌وه‌یی و ئۆلی، هیڤی خواست بكارن به‌رده‌وام بن د ڤی كاری دا و پتر خزمه‌تا گه‌لێ مه بكه‌ن.
دووڤدا، بنگه‌هێ لالش سوپاسیا خوه بۆ سه‌ره‌دانا قاسم ده‌ربۆ دیار كرن كو دێ به‌رده‌وام بن د خزمه‌تكرنا چاندا كوردی و ئێزدی دا و دێ هه‌ول ده‌ن بۆ پاراستن و پێشڤه‌برنا وێ.
تُتاح هذه الصورة أيضا في: کوردی
