د ڕێ و ڕەسمەکا ژ هەژی دا بیست و ئێك ساڵيا دامەزراندنا بنگەهێ لالش تایێ شێخان هاتە ساخكرن

ل رێكەفتى ٣ چریا ئێكێ ٢٠٢٤ ب ئامادەبوونا  سه‌عید جردو سەرۆکێ دەستەیا بلند یا بنگەهێ لالش و سه‌ردار شێخ یحیی قایمقامێ قەزا شێخان و عزالدين سليم باقسرى ئەندامێ بەرێ ل پەرلەمانێ هەرێما کوردستانێ و ئەندامێ دەستەیا کارگێڕی یێ ئەنجومەنێ باڵا تێکوشەران و دکتۆر مه‌مو عثمان وەزیرێ بەرێ ل حکومەتا عیراقا فێدڕال و  شێخ زیدۆ باعەدری شێوەردارێ پەرلەمانێ کوردستانێ و که‌ریم سلیمان بریکارێ وەزارەتا چاندنێ و ژێدەرێن ئاڤێ وسالم رشو پێشمەرگەهێ دێرین و دکتۆر و نڤیسەرێ ناڤدار عەسکەرێ بۆیک ژ وەڵاتێ ئەڵمانیا و ئەیوب حاجی  و خانم  مهور عبدالعزیز  کارگێرێن لقا ( ٢٠ ) یا پارتی و صادق قاسو علو بەرپرسێ لژنا ناوچا شێخان یا پارتی و چەندین ڕێڤەبەر و بەرپرسێن میری و حزبی و ڕەوشەنبیر و ماقوول و ڕیهسپێن دەڤەرێ سالڤه‌گه‌را 21ێ یێ بنگه‌هێ لالش تایێ شێخان ب چه‌ندین برگێن هه‌مه‌جۆر هاته‌ ساخكرن.

ل ده‌ستپێكێ ئاماده‌بووی دگەل سروودا ئەی ڕەقیب دەقيقەكێ سەكنين وەک ڕێزگرتن ل سەر گيانێ شەهيدێن كورد و كوردستانێ و سەروەرێ وان بارزانیێ نەمر و کاک ئدریسێ هەردەم ساخ.

ل دووڤدا، پەيڤا ب خێر هاتنێ ژ لايێ غه‌زوان ره‌مه‌زان جێگرێ بەرپرسێ بنگەهێ لالش شێخان هاتە خوندن و ( ٢١ ) ساڵيا دامەزراندا بنگەهێ لالش شێخان ل هەموو ئەندام و لایه‌نگرێن بنگەهێ پیروزکر و گوت بنگەهێ لالش شێخان  ژ دەمێ دامەزراندنێ تا نهۆ چەندین چالاکیێن جۆرا و جۆر ئەنجام داینه‌ مینا سمینار و وورک شۆپ و قارەمانی و خۆلێن ب هێزکرنا قوتابیان و خەلات و ڕێزلێنانا کەسان و بەریکانە و ڤەکرنا پێشانگەهێن هۆنەری … هتد ، هەر هوسا دیاکر کو بنگەهێ لالش شێخان شیایە ئێکەمین گۆڤارا وەرزانە ب ناڤێ چرایێ لالش دەربێخت ئه‌وژی ب خۆبەخشیا چەندین ڕەوشەنبیران.

پاشان داود مراد خەتاری نڤیسەر و ڤەکۆلەر و ئەندامێ دەستەیا بلندا بنگەهێ لالش سمينارەک پێشكێشكر ل دۆر بابەتێ گرنکییا هەبوونا بنگەهێ لالش  و د سمینارا خۆ دا گوت بنگەهی لالش شێخان كاریە بزاڤا رەوشەنبيریێ ل دەڤەرێ پێشپێخت و پەيوەنديێن خۆ د گەل جڤاكی و دەزگەهێن ميرى و حزبى و رێكخراوان خورت و موكم بکەت، و ل دووماهیێ چەندین پسیار ژ ڤەکولەرێ ناڤ هاتی هاتنە کرن ژ لایێ ئامادەبویان ڤە و ژلایێ خوڤە بەرسڤا وان ب سنگەکی بەر فره‌هـ دا .

ل دووڤدا، ب درعێ لالش یێ تایبەت ڕێز ل ١٢ نڤیسەرێن خودان بەرهەم یێن سەنتەرێ قەزا شێخان هاتە گرتن .

ل داویێ ژی ئامادەبوویان پێکڤە کێکا ٢١  ساڵیا دامەزراندنا بنگەهێ لالش شێخان شکاندن و دەست خۆشی و پیرۆزباهیێن خۆ گەهاندنا دەستەکا ڕیڤەبەرا بنگەهێ لالش شێخان.