تۆرا لالش
د بەردەوامیا چالاکیێن خۆ دا، بنگەهێ لالش تایێ شاریا ل رۆژا ئینیێ ل ڕێکەفتی 18/10/2024 ب ئامادەبوونا هژماەکا زۆر ژ کچ و ژنان و هەروەسا ب ئامادەبوونا مصطفی عمر بەرپرسێ لژنا ناوچەیا فەیدیێ، سمینارەک بۆ پارێزەر هۆگر کامل عثمان و ڕۆژنامەڤان جەمیلا حازم ژ بۆ زێدهتری 60 کچ و ژنان ڕێکخست.
د ڤێ سمینارێ دا پارێزەری ب گشتی بەحسێ مافێ ژنێ د هەموو سکتەرێن ژیانێ د سیاسەت و ڕێڤەبرنێ دا كر ، پاشی ب تێروتەسەلی بەحسێ مافێ ژنان د پڕۆسەیا هەلبژارتناندا دا دیارکرن و ئاماژە ب مافێ بەشداربوونا ژنان کر د پرۆسەیا دەنگدانێدا و ب مافەکێ ڕەوا و گرنگ دا زانین و گۆت: د قانوونا هەلبژارتنان دا ل هەرێما کوردستانێ مافێ ژنان ب 30% هاتییە دیارکرن و ئەڤە ژی ڕێژەیەکا باشە و ژ یا حکومەتا عیراقێ بترە کو 25% یە.
و گۆت دڤێت ئەم ژنان هان بدەین بەشدارییێ د پڕۆسەیا سیاسی و هەلبژارتنان دا بکەن ژ بەر کو د هیچ ئالییەکیدا ژ زەلامی کێمترنینە.
ل دووڤدا ڕۆژنامەڤان جەمیلا حازم بەحسێ ڕۆلێ ژنێ د پڕۆسەیا سیاسی دا کر و ئاماژە ب وان ئاستەنگان کر یێن دکەفنە د ڕێکا ژنان دا، و ڕۆلێ ژنێ د پڕۆسەیا سیاسی دا باش نرخاند و چارەسەری ژی بۆ وان ئاستەنگان ئانینە زمان و گۆت: مە دڤێت پشکدارییا ژنان د پڕۆسەیا سیاسی دا بتر بت داكو ژن بکارن داخوازا مافێ خۆ بکەن و ڕۆلێ خۆ ب باشی بگێڕن.
هەروەسا ل دووماهیێ هەر پشکدارەکی کارتەکا کورەک پێ هاتە بەخشین.
تُتاح هذه الصورة أيضا في: کوردی