ئيرۆ شه‌مبوويێ 30-11-2024، بنگه‌هێ لالش چالاکیەك ب هەلکەفتا 16 ڕۆژێن بەرهنگاریا توندوتیژیا دژی ژنان ل كۆمه‌لگه‌ها شاريا ل دارخست.
دڤێ چالاكيێ دا كو سه‌عيد جردۆ، سه‌رۆكێ ده‌سته‌يا بلندا بنگه‌هێ لالش و 150كچ و ژنێن ئاواره و خوه‌جهێن كۆمه‌لگه‌ها شاريا ئاماده‌بوون، چه‌ندين بڕگێن جۆراوجۆر هاتنه ئه‌نجامدان.
دپه‌يڤه‌كێ دا سه‌عيد جردۆ، سه‌رۆكێ بنگه‌هێ لالش ئاماژه ب وێ چه‌ندێ دا، وه‌كو بنگەهێ لالش هەردەم پشتەڤانیا کچ و ژنێن ئێزدی دکەت و دێ بەردەوام بت د خزمەتا واندا.
دپه‌نه‌له‌كێ دى دا خانما پارێزەرسۆزان خودێدا، بەحسێ ڕۆلێ ئافرەتێ د جڤاکى دا کر و دیارکر، دڤێت ڕێ ل توندوتیژیا ژنان بێتە گڕتن.
ژ ئاليه‌كێ دى ڤه گڕۆپێ ئێزدا یێ مۆزیکێ بەشدار بوو، تێدا ب مۆزیك و دەنگێن خۆ یێن خۆش چالاکی بتر ب ڕەوش کرن.
پاشان رێز ل كچ و ژنێن به‌شدار هاته گرتن و گولێن (Rose) ب سەر ئه‌وندا هاتنە بەلاڤکرن.
چالاكيا ناڤبرى ژلايێ بنگەهێ لالش تایێ شاریا ب هەڤکاری د گەل دەستەیا بلندا بنگەهێ لالش، ڕێکخراوا ئێمە و ناڤەندا ئافرەتێن سێمێلێ هاتبوو رێكخستن.
تُتاح هذه الصورة أيضا في: کوردی
