تۆرا لالش
ل رۆژا چارشەمبوویێ رێکەفتی (22 / 1 / 2025) ب ئامادەبوونا هەموو موختارێن سەنتەرێ ناحیا باعەدرێ و ژمارەکا ریهسپی و رەوشنبیر و نوێنەرێ لیژنا ناوچا باعەدرێ یا PDK و تەخ و پێکهاتێن جودا یێن خەلکێ ل دهڤهرێ بنگههێ لالش تایێ باعهدرێ ب مەرەما دان و ستاندنێ ل دۆر رێکەفتنا جڤاتا بلندا ڕوحانیا ئێزدیان سهبارهت نەختێ کچێن ئێزدی ل دەمێ بەستنا گرێبەستا هەڤژینیێ، کۆمبوونهكا راوێژکاری و لێكگهۆرینا بیر و بۆچوونان ل دۆر بابەتێ ناڤهاتی ل هۆلا باعەدرێ یا بیرەوەریان سازکر.
ل دەستپێکێ بەرپرسێ بنگەهێ لالش باعەدرێ (خهلات باعەدری) ب خێرهاتنا تەڤایا ئامادەبوویان کر و مەرەما بەستنا کۆمبوونێ ل دیڤ داخوازیا جڤاتا بلندا ڕوحانیا ئێزدیان دا خویاکرن.
پاشی دان و ستاندن و پرس و راوێژ ل دۆر بابەتی دناڤبەرا ئامادەبوویان دروست بوو ل سەرچەند خال و پرسێن گرێدایی ب بابەتی ڤه ب مەرەما زەنگینکرنا رێکەفتنا جڤاتا بلندا ڕوحانیا ئێزدیان یا ل 11ی ڤێ هەیڤێ دەرچوویی ل دۆر قەلەنێ قیزێن ئێزدی.
تُتاح هذه الصورة أيضا في: کوردی