تۆرا لالش
ب هەلکەفتا دەربازبوونا 72 سالان ل سەر دامەزراندنا هەردوو رێکخراوێن جەماوەری (قوتابیان و لاوان)،رۆژا سێ شەمبوویێ رێکەفتی 18ی شوباتا 2025ێ بنگەهێ لالش تایێ باعەدرێ پشکداری د سالڕۆژا دامەزراندنا ئێکەتییا قوتابیان دا کر ل ئامادەیا باعەدرێ یا تێکەل.
دچارچۆڤێ پشکداریا بنگەهی دڤێ هەلکەفتا دیرۆکی دا و ب ئامادەبوونا سەرۆکێ دەستەیا بلندا بنگەهێ لالش (سەعید جردۆ) و بەرپرسێ لیژنا ناوچا باعەدرێ (نجیم الیاس) و شاندێ دگەل دا و شاندێ دگەل و نوێنەرێ رێڤەبەرێ ناحیا باعەدرێ (م. دیار میرزا) شاندێ دگەل و بەرپرسێ بنگەهێ لالش باعەدرێ (خلات باعەدری) و مامۆستایێ راهێنەر (م. عامر) و مامۆستا و قوتابیێن خۆشتڤیێن ئامادەیێ ڕێ و رەسمێن ڕێزلێنانێ ب رێڤەچوون.
ڕێ و رەسمێن خەلاتکرنێ ژ ئالیێ بنگەهێ لالش یێ رەوشەنبیری و کۆمەلایەتی تایێ باعەدرێ پێکدهاتن ژ خەلاتکرنا ژمارەکا مامۆستا و قوتابیێن ئامادەیا باعەدرێ هەمبەر کەد و خزمەت و ماندووبوونا وان دەرحەقێ پڕۆسێسا خواندنێ ل دەڤەرێ و ژلایێ بەڕێزێن ئامادەبووی ڤە ئەو خەلات هاتنە پارڤەکرن.
هێژایی گۆتنێ یه ئێکەتیا قوتابیێن کوردستانێ پێش 72 سالان و رێكهفتی 18/2/1953ێ ل سەر دەستێ بابێ ڕوحیێ مللەتێ کورد (بارزانیێ نەمر) هاتییە دامەزراندن و دەست ب تێکۆشین و خەباتا خۆ یا ڕەوا کرییە.
تُتاح هذه الصورة أيضا في: کوردی