تۆرا لالش
ل رێكه‌فتی 18/2/2025ێ، ب ئاماده‌بوونا نونه‌رێ کومیتا ناوچا ئه‌لقوشێ و نونه‌رێن رێکخراوێن ناڤخۆیی یێن گوندێ بۆزا یێن پارتی دیموکراتی کوردستان و به‌رپرسێ ئێكه‌تیا قوتابیان/لقێ ئه‌لقوش و هه‌موو مامۆستایێن قوتابخانێ نڤیسینگه‌ها لالش بێبان ب هەلکەفتا بۆرینا 72 سالان ب سه‌ر دامه‌زراندنا ئێكه‌تیا قوتابیێن كوردستانێ و ئێكه‌تیا لاوێن دیموكراتا كوردستانێ سێ پێشبڕکیێن جودا جودا ل قوتابخانا گوندێ بۆزا یا ناڤنجی گێران، ئه‌ڤ پێشبڕکێنه ب شێوه‌یه‌کێ پرۆفێشنال و رێکخستی هاتنه ئه‌نجامدان و د ئاهه‌نگه‌كا تایبه‌ت دا هه‌ر ل وێ قوتابخانێ سه‌ركه‌فتیێن ڤان چالاكییان هاتنه خه‌لاتكرن.
پێشبڕکێ یا یه‌کێ ڤۆلی بۆلێ بوو، کو تێدا گه‌له‌ک تیمێن قوتابخانێ به‌شداری تێدا کربوون، بوو ئه‌گه‌رێ وێ چه‌ندێ قوتابی شیانێن خۆ یێن وه‌رزشی و روحه‌كا وه‌رزشی نیشان ب ده‌ت، ڤێ پێشبڕکێ گه‌له‌ک جه‌ماوه‌ر ب خۆ راکێشا و ب بوو جهێ دلخۆشیا هه‌موو به‌شداران.
پێشبڕکا دووێ یا زانستی بوو، کو تێدا قوتابیان شیانێن خۆ یێن زانستی دانه دیاركرن، د ڤێ پێشبڕکێ دا، پرسیارێن جۆراوجۆر ژ وانه‌یێن جودا جودا هاتنه کرن و قوتابیان ب شێوه‌یه‌کێ زانستی به‌رسڤ دان، ئه‌ڤێ پێشبڕکێ دلخۆشیه‌کا مه‌زن دابوو قوتابی و مامۆستایان.
پێشبڕکا سیێ یا هونه‌ری بوو، کو تایبه‌ت بوو ب وێنه‌کێشانێ، قوتابیان شیانێن خۆ یێن هونه‌ری نیشان دان و وێنه‌یێن جوان کێشابوون، ئه‌ڤێ پێشبڕکێ ده‌رفه‌ت دا قوتابیان کو به‌هره‌یێن خۆ یێن هونه‌ری پێشکێش بکه‌ن.
د داویا پێشبڕکیان دا، ئاهه‌نگه‌کا تایبه‌ت هاته رێکخستن بۆ خه‌لاتکرنا سه‌ركه‌فتیان، ئه‌ڤ ئاهه‌نگه ل رۆژا سێ شه‌مبوویێ ١٨/٢ هاته ئه‌نجامدان، کو هه‌ڤده‌مه دگه‌ل سالڤه‌گه‌را دامه‌زراندنا یه‌کێتیا قوتابیێن کوردستانێ.
ئه‌ڤ چالاکی بوویه نموونه‌یه‌کا باش ژ کارێ رێکخراوه‌یی و پێشڤه‌برنا ژیانا خواندکاری و زێده‌بوونا په‌یوه‌ندیێن جڤاکی د ناڤبه‌را قوتابخانێ و جڤاکێ گوندی دا.
سه‌ركه‌فتیێن هه‌ر سێ پێشبڕکێیان خه‌لاتێن هێژا وه‌رگرتن، کو ئه‌ڤه بوویه هانده‌ره‌ک بۆ قوتابیێن دی دا کو پتر هه‌ول بده‌ن و به‌شداریێ د چالاکیێن وه‌ها دا بکه‌ن.
شایەنی باسە ئێکەتیا قوتابیێن کوردستانێ و ئێكه‌تیا لاوێن دیموكراتا كوردستانێ پێش 72 سالان ل سەر دەستێ بابێ ڕوحیێ مللەتێ کورد (بارزانیێ نەمر) هاتییە دامەزراندن و دەست ب تێکۆشین و خەباتا خۆ یا ڕەوا کرییە.
تُتاح هذه الصورة أيضا في: کوردی
