تۆرا لالش
ل رێكه‌فتی 9/3/2025ێ، ب ئامادەبوونا مامۆستا عامر كاكائی بەرپرسێ بەشێ چالاكیێن جەماوەری یێن لقێ (١٤)، محمد سلیم بەرپرسێ لیژنا خوجهـ یا ئه‌لقوش، سلام شرنخ بەرپرسێ رێكخراوا بۆزان یا پارتی دیموكراتی كوردستانی، خاتوون حه‌نان بەرپرسا ئێكه‌تییا ئافره‌تان، و ئەندامێن نڤیسینگەها لالش بیبان هەر یەك ژ خەلات حەیدەر و زیاد تارق، خۆله‌كا نه‌خوینده‌واریێ ل گوندێ بۆزا ب داوی هات.
ب هەڤكاریا ئێكه‌تیا ئافره‌تێن كوردستانێ/لقێ موسل، ل ژێر سه‌رپه‌رشتی و پشته‌ڤانیا نڤیسینگەها لالش بیبان ئه‌ڤ خۆله ب پشكدارییا بتر ژ (٤٠) ژن و كچێن گوندێ بوزا هاتبوو ڤه‌كرن و بۆ ماوێ (٢٠) رۆژان یه به‌رده‌وام بوو، هەروەسان ئارمانجا ژ ڤێ خۆلێ نه‌هێلانا نه‌خوینده‌واریێ و پشته‌ڤانیكرنا ئافره‌تان بوو دناڤ جڤاكی دا.
ل داویێ ئافره‌تێن پشكدار ب خه‌لاتێ رێزلێنانێ هاتنه خه‌لاتكرن، تێ زانین ئه‌ڤ خۆله ب هه‌لكه‌فتا رۆژا جیهانیا ئافره‌تێن جیهانێ (8ی ئادارێ) هاتبوو ڤه‌كرن و هه‌رسال نڤیسینگه‌ها لالش بێبان ژ بۆ پشته‌ڤانیكرنا ژنا ئێزدی چالاكیێن هه‌مه‌جۆر بۆ ژن و ئافره‌تێن ده‌ڤه‌رێ ساز دكه‌ت.
تُتاح هذه الصورة أيضا في: کوردی
