تۆرا لالش
ل رێكه‌فتی 17/3/2025ێ، ب ئاماده‌بوونا مامۆستا و رێڤه‌به‌رێن قوتابخانێن ئاواران و سه‌رپه‌رشت و ده‌رونناس و سه‌میانێن قوتابییان، ژ بزاڤ و چالاكیێن نڤیسینگه‌ها لالش ته‌لبه‌ناتا كه‌ڤن سمیناره‌ك ل دۆر دیارده‌یا ڤه‌قه‌تیانا قوتابیان ژ كه‌رتێ خواندنێ ل كه‌مپا خانكێ هاته سازكرن.
ل ده‌ستپێكێ ئاماده‌بووی خۆله‌كه‌كێ بۆ شه‌هیدێن كورد و كوردستانێ راوه‌ستییان، و پاشان سمینارێ ده‌ستپێكر.
تێ زانین ئه‌ڤ سمیناره ژلایێ فه‌رحان خه‌له‌ف به‌رپرسێ نڤیسینگه‌ها لالش ته‌لبه‌ناتا كه‌ڤن هاته پێشكێشكرن و د ئاخفتنێن خۆ دا به‌حسێ خرابییا ڤه‌قه‌تیانا قوتابییان ژ كه‌رتێ خواندنێ كر و هه‌روه‌سان رێكێن دووباره ڤه‌گه‌راندنا وان بۆ خواندنێ ب تێر و ته‌سه‌‌لی شرۆڤه‌كر.
هه‌روه‌سان ناڤهاتی دیاركر ڤه‌گه‌راندنا وان د به‌رژوه‌ندییا گشتی دایه، چنكو نفشێن پاشه‌رۆژێ نه له‌وران پێتڤیه ل سه‌ر مه هه‌موویان پشته‌ڤانیا وان بكه‌ین داكو ب زانست و زانینێ بگه‌هنه ئارمانجا خۆ.
هه‌روه‌سان پشتی ده‌رگه‌هێ گفتوگویێ هاتیه ڤه‌كرن، سمیناربێژێ پرسیار و بۆچۆنێن ئاماده‌بوویان به‌رسڤدان و ب ڤی ئاوایی سمینار ب داوی بوو.
تُتاح هذه الصورة أيضا في: کوردی
