تۆرا لالش
د چارچۆڤێ چالاكیێن بنگه‌هێ لالشێ ره‌وشه‌نبیری و كۆمه‌لایه‌تی تایێ سنوونێ، نڤیسینگه‌ها لالش دووگرێ، رۆژا ئێكشه‌مبوویێ ل رێكه‌فتی ٢٠/٤/٢٠٢٥، د چالاكیه‌كێ دا قوتابیێن سه‌ركه‌فتیێن ئێكێ و دووێ و سیێ و هه‌روه‌سان یێن نمرێن وان ژ 90% و سه‌ردا ل دبستانا قادیا یا ئاماده‌یی یا خواندنا عه‌ره‌بی خه‌لاتكرن.
زياد متو متو، به‌رپرسێ نڤیسینگه‌ها لالش دووگرێ بۆ تۆرا لالش یا ڕاگه‌هاندنێ گۆت: ئیرۆ مه وه‌كو نڤیسینگه‌ها لالش دووگرێ، قوتابیێن سه‌ركه‌فتییێن ئێك و دووێ و سێیێ و هه‌روه‌سان ئه‌وێن نمره‌یێن وانه‌یێن وان ژ 90% و سه‌ردا خه‌لات كرن، ژمارا وان ٦٠ قوتابی بوون ژ هه‌ردوو ره‌گه‌زان بوون.
زێده‌تر كر: ئه‌م وه‌كو نڤیسینگه‌ها لالش دووگرێ هه‌ولدده‌ین به‌رده‌وام پشتگیرییا قوتابیێن خوه یێن هێژا بكه‌ین، داكو وان هانبده‌ین داكو ب رێكا خواندنێ و گه‌هشتنا سه‌ركه‌فتنێن زێده‌تر ببنه خودانێ پاشه‌رۆژه‌كا گه‌ش.
ل ڤێ چالاكیێ دا، كۆمه‌كا سه‌رپه‌رشتیارێن خواندنا عه‌ره‌بی و گه‌له‌ك ژ ده‌یك و بابێن قوتابیان د ئاماده بوون، هه‌روه‌سا ژ به‌ر پشتگیریا وان یا به‌رده‌وام بۆ قوتابیان و هه‌موو بیاڤێن جڤاكی قوتابی و سه‌میانێن قوتابییان و رێڤه‌به‌ریا قوتابخانا كه‌مپا قادیا سپاسی و رێزگرتنا خوه بۆ نڤیسینگه‌ها لالش دووگرێ ده‌ڕبرین.
تُتاح هذه الصورة أيضا في: کوردی
