شاندەكێ نەتەوەیێن ئێكگرتی و بنگەهێ لالش رەوشا ئێزدیان گەنگەشەكرن
تۆرا لالش یا راگەهاندنێ
ل سەر داخوازەكا تایبەت یا نڤیسینگەها هەرێمایەتی ل هەولێرێ یا تایبەت ب شاندێ نەتەوەیێن ئێكگرتی بۆ هاریكاریكرنا عێراقێ،ب نوونەراتیا مساكی وتنبی نوونەرێ كەڤن یێ كاروبارێن سیاسی و بەرپرسێ نڤیسینگەها ناڤبری ب وەكالەت،ل رێككەفتی 2/4/2016،چاف ب سلێمان فانۆ سەرۆكێ بنگەهێ لالش ل سنوونێ كەفت ل سەنتەرێ پارێزگەها دهۆكێ،بۆ گەنگەشەكرنا رەوشا گشتی یا ئێزدیان.
سلێمان فانۆ،سەرۆكێ بنگەهێ لالش تایێ سنوونێ بۆ(تۆرا لالش یا راگەهاندنێ)گۆت:”د دیدارەكێ دا رەوشا ئێزدیان ب گشتی ل ڤان كاودانێن تێرا دەرباز دبن و پاشەرۆژا وان پشتی داعشێ هاتە گەنگەشەكرن،زێدەباری چاوانیا خۆ گەهاندنێ بۆ سەلماندنا مافێن وان ل عێراقێ و گرنگترین خال كو ل بەرچاڤ بێتە وەرگرتن بۆ كێمكرنا قەبارێ دەردەسەریا ئێزدیان ل شنگالێ و ژیانا هەڤپشك لگەل یێن دیتر.
فانۆ راگەهاند ژی ئەڤ دیدارە ل سەر داخوازەكا تایبەت یا نڤیسینگەها هەرێمایەتی ل هەولێرێ یا تایبەت ب شاندێ نەتەوەیێن ئێكگرتی بۆ هاریكاریكرنا عێراقێ بوو.
تُتاح هذه الصورة أيضا في: کوردی