تیرۆرستێن داعشێ كچێن ئێزدی ژ رۆژئاڤایێ مووسلێ برینە سووریا
تۆرا لالش یا راگەهاندنێ
ژێدەرێن باوەرپێكری ل رۆژئاڤایێ مووسلێ و قەزا تللەعفەرێ دووپات دكن،كو تیرۆرستێن داعشێ یێن بیانی خێزانێن خۆ و كچێن ئێزدی ژ رۆژئاڤایێ مووسلێ برینە باژێرێ رەققە ل سووریایێ.
ژێدەرەكی ژ رۆژئاڤایێ مووسلێ بۆ رۆژناما دەنگێ لالش خویاكر، مالەك نێزیك مە خێزانێن سەركردێن بیانی یێن تیرۆرستێن داعشێ تێدا هەبوون،ب ناچاری كچەكا ئێزدی وەك خزمەتكار تێدا كاردكر ب شەڤ من بەرێ خۆ دا وێ مالێ وێ كچێ دكرە قیژی و دئیشاندن ژبەركو فەرمانێن وان رەت دكرن،ل دانێ سبێ ئەو مال یا ڤالا بوو دا چم وێ بینم،بەلێ چوو شوونوار نەمابوون و تنێ جلكێن پیس تێدابوون و بێهنەكا نەخۆش ژێ دهات،هەروەسا ژێدەرەكی دی ژ نێزیك هوتێلا مووسلێ ئاشكەراكر كو 25كچێن ئێزدی د هۆتێلێ دابوون و بۆ سووریا هاتنە برن.
هەروەسا ژێدەرەكی دی ژ قەزا تللەعفەر گۆت:ل دەستپێكا داگیركرنا داعش بۆ نەینەوا چەندەها تیرۆرسێن بیانی دقەزایێ دا بوون و رابوون ب فرۆتنا كچێن ئێزدی كو زۆرینەیا كچان تێدابوون و نۆكە دبت چوو لێ نەمابن و دبینم دگەل بیانیا بۆ سووریا هاتبنە ڤەگوهاستن.
تُتاح هذه الصورة أيضا في: کوردی