رێكخراوا داك:كچ و ژنێن رزگاربووی پێتڤی پشتەڤانیێ نە
تۆرا لالش یا راگەهاندنێ
بەرپرسا رێكخراوا داك بۆ گەشەپێدانا ژنا ئێزدی ئاشكەراكر،چەند هاریكاریا كچ وژنێن ئێزدی و ب تایبەت یێن رزگاربووی بێتە كرن هێشتا یا كێمە، هەرچەندە حكومەتا هەرێمێ پتر ژسێ هەزاران رزگار كرینە لێ رەوشا وان پشتی رزگاركرنێ هەر ئالۆزە و پێتڤی پشتەڤانیێ نە.
(سوزان سەفەر) بۆ رۆژناما دەنگێ لالش دیاركر،بیرەوەرییا بۆرینا دوو سالان ل سەر دامەزراندنا رێكخراوێ ب چالاكیەكێ هات ساخكرن، دڤی ماوەی دا ل دووڤ شیانێن خۆ مە گەلەك كار و چالاكیێن جودا جودا و دگەل رێكخراوان ژی كرن ژبۆ وێ یەكێ ژنا ئێزدی بكارت خودان ماف بت وب تایبەت خزمەتا وان كچ وژنێن ژدەستێن داعش رزگاربووین،پێخەمەت هندێ پتر گەشەپێدانا ژنێ بێتە كرن ژلایێ رەوشەنبیری و كۆمەلایەتی وسیاسی ڤە،دیسان پتر دپرۆژێن خۆ دا مە گرنگی دا پێكڤەژیانێ وئاڤاكرنا ئاشتیێ و گۆت:((چەند هاریكاریا كچ وژنێن ئێزدی و ب تایبەت یێن رزگاربووی بێتە كرن هێشتا یا كێمە ،هەتا نۆكە گەلەك رێكخراوێن نێڤ دەولەتی و جیهانی و لۆكال هاریكاریا وان كریە ب سوپاسی ڤە،هەروەسا حكومەتا هەرێما كوردستانێ تەخسیری نەكریە،لێ بارودۆخێ ژنا ئێزدی تێدا دژیت یێ نەخۆشە،هەرچەندە حكومەتا هەرێمێ پتر ژسێ هەزاران رزگار كرینە لێ رەوشا وان پشتی رزگاركرنێ هەر ئالۆزە،یا گرنگە چارەسەریا دەروونی و پشتەڤانیا مادی و مەعنەوی بەردەوام بۆ وان بێتە كرن)).
ئاماژە دا وێ چەندێ،پرۆژە وچالاكیێن مە دێ دبەردەوام بن ژبۆ خزمەتكرن و مافێ ژنا ئێزدی.
تُتاح هذه الصورة أيضا في: کوردی