كچەكا رزگاربوویا ئێزدی فلمەكێ دیكیۆمێنتی دێ دەتە دادگەها تاوانێن نێڤ دەولەتی
تۆرا لالش یا راگەهاندنێ
كچەكا رزگاربوویا ئێزدی كار ل سەر چێكرنا فلمەكێ دیكیۆمێنتی ل سەر تاوانێن داعشێ هەمبەر كچ و ژنێن ئێزدیان دكت،ئاماژێ ب وێ چەندێ دكت كو گەلەك فلم هاتینە چێكرن و ب شاشی كچێن رزگاربوویی نیشا جیهانێ داینە و ئێزدی ب باشی پێشوازیێ ل كچێن خۆناكن،دەمێ ئەڤ فلمە تەمام دبت بۆئێكەم جار دێ دەتە دادگەها تاوانێن نێڤ دەولەتی.
(دەلال شرین)كچەكا رزگاربوویا ئێزدی یەخەلكا گوندێ حەردانە ل شنگالێ،بۆ رۆژناما دەنگێ لالش دیاركر،ئەڤە بۆ ماوێ دوو سالایە ل وەلاتێ ئەلمانیا مە ژبۆچێكرنا فلمەكێ دیكیۆمێنتی ب هەڤكاریا نوژدارەكێئەلمانی یێ دەروونی و ب هاریكاریا كەنالەكێ برێتانی و پارێزەرەكی ژ دادگەها تاوانێن نێڤ دەولەتی،ئەڤ فلم ل كوردستانێ و ئەلمانیا و سوێسرا هاتیە چێكرن و دێ هەتا سالا 2018 ب داوی ئێت و گۆت:(( هندەك ژ فلمی ل شنگالێ ل مالا خۆ چێكریە هەر ژ دەمێ داعش گرتیم و هەتا بریم و ل دەمێ برایێ من لبەر چاڤێ من كوشتن دێ حەموویێ وێنەكەم،دیسان دڤێت سەرەدانا مووسل و تەلەعفەر ژی بكەم و فلمی ل وێ دەرێ ژی چێكم،چنكو حەموو ئێش و ئازارێن من بۆراندین ل وێدەرێ بوون،لەوا داخوازێ ژ جیێن پەیوەندیدار و ئێمناهیێ دكەم پشتەڤان بن داكو بگەهمە وان جهان، مەرەم ژ فلمی ئەوە بۆچی تیرۆرستێن داعش بتنێ بسەرێ كچ و ژنێن ئێزدیان كرن و ب سەرێ چ ئاینێن دی نەكرن)). ئەو چەندە ژی ئاشكەراكر،دەمێ ئەڤ فلمە تەمام دبت بۆئێكەم جار دێ دەمە دادگەها تاوانێن نێڤ دەولەتی ل لاهای و بۆ ڤیستەڤالا هەولێر و ئەبو زەبی و ل ئەلمانیا و سینەمایا جیهانی ئێتە پەخشكرن،ژبەركو گەلەك فلم ب شاشی و نە دروستی هاتینە چێكرن و كچێن رزگاربووی نیشا جیهانێ دان و گۆتن ئێزدی ب باشیپێشوازیێ ل كچێن خۆناكن،ئێك ژوانم خێزان و كۆمەلگەها من ب باشترین پێشوازی و ب هێمایێن ئایینی و پیرۆزێن ئێزدیاتیێ پێشوازی ل من كریە.
تەكەزكرژی كو ئەڤ فلم دێ نامەكا دی بت بۆ وان كەسێن ل دژی مە و دێ بۆ جینۆساید ئێزدیان ژی بەلگەبت.
تُتاح هذه الصورة أيضا في: کوردی