پارێزەرەكا ئێزدی:پێتڤیە كچ وژنێن رزگاربووی سكالایێ لسەر داعش تۆمار بكن
تۆرا لالش يا راگههاندنێ
پارێزەرەكا ئێزدی ئاشكەراكر،پێتڤیە كچ وژنێن ئێزدی یێن رزگاربوویی ل دادگەها تاوانێن نێڤ دەولەتی سكالایێ لسەر رێكخراوا داعش تۆمار بكن،داكو تیرۆرستێن داعش وئەوێن هاریكاریا وان كرین بێنە دادگەهكرن و سزادان.
كچا پارێزەرا ئێزدی(ژیان عومەر)بۆ رۆژناما دەنگێ لالش راگەهاند،ئەگەرێ كەفتنا شنگالێ د دەستێ رێكخراوا داعش دا هەبوونا گوندێن ئەرەبا بوو كو خەلكێ وان گوندان هاریكاریا داعش كرن بۆ تالانكرن ومالوێرانكرن وگرتنا كچ وژن وزارۆك وكوشتنا پیر و زەلامێن ئێزدیان،دیسا چنكو ئێزدی بوون و ئایینێ خۆ نەگهۆرین و دەڤەرەكا جوگرافی بوو و گۆت:((پێتڤیە كچ وژنێن ئێزدی یێن رزگاربوویی ل دادگەها تاوانێن نێڤدەولەتی سكالایێ لسەر ڤێ رێكخراوێ تۆمار بكن،بەرامبەر ئەڤا بسەرێ وان ئینایی،داكو تیرۆرستێن داعش وئەوێن هاریكاریا وان كرین بێنە دادگەهكرن وسزادان)).
پارێزەرێ خویاكر ژی پێتڤیە ئەو دایك وكچێن رزگاردبن سنوورێ شەرمێ نەهێلن وچیرۆكێن خۆ بۆ رێكخراوێن مافێ مرۆڤی وژنان ڤەگەرینن،هەتا كو بگەهنە مافێ خۆ وكارێن نەمرۆڤانە یێن داعش ب هەموو جیهانێ بدەنە دیاركرن.
تُتاح هذه الصورة أيضا في: کوردی