ئەنجومەنا ئافرەتێن شنگالێ: بلا كچ و كور زوو زەواجێ نەكەن
باسنيوز:
بەرپرسا ئەنجومەنا ئافرەتێن قەزا شنگال دیاركركو ژنهێنانا پێشوەخت دناڤ ئاوارێن ئێزدی دا ل كەمپێن ئاواران بەرەڤ زێدەبوونی یە، داخازێ دكەین كور وكچ خوە ژ پێكئینانا خێزانا پێشوەخت دوور بكەن.
ڤیان خەلەف، بەرپرسا ئەنجومەنا ئافرەتێن قەزا شنگال، بۆ(باسنیوز) دیاركر :” ل ناڤ ئاوارێن ئێزدی ل كەمپان ژ دەرڤەی كەمپان ژی پێك ئێنانا خێزانا پێشوەخت یا زێدەدبیت ژئەگەری خرابیا رەوشا خەلكێ وبارێ ئابۆری.شووكرنا كچان دبن ژیێ 18 سالیێ دا یێ پەیدا دبن وگەلەك حالەتێن ژیكجۆدابوون و بەردان و خوە كوشتنێ ژئەنجامی پێكئینانا خێزانا پێشوەخت دروست بووینە. نۆكە ئەم یێ هەولدەن ب ریێا سمینار و ورگ شۆپان دناڤ كچاندا ڤێ دیاردێ بنبربكەن ونەهێلین كچێن ژیێ وان ژ 18 سالان كێمترە، شوو بكەن”.
خویا ژی كر: “ئەو كچێن دبن 18 سالیێ دا شوو دكەن بەرهەڤ نینن بۆ رێڤەبرنا خێزانێ، پشتی چەند سالان تووشی ئاریشەیان دبن دگەل هەڤژینێن خوە. پێدڤیە خەلكێ مە خوە دوور بكەن ژ حالەتێن دانا شووكرنا كچان دبن ژیێ 18 سالیێ دا”.
تُتاح هذه الصورة أيضا في: کوردی