ریفراندۆم نه‌گرێدایی ئیرادا گه‌لێ كورده به‌لكو گرێدای بیردۆزێن سیاسیه
جوان عزت
كوردستان ژئالیێ ناڤخۆیی و جوگرافی جیبوپولوتیكی ڤه د ناڤبه‌را چار ده‌وله‌تان دا دابه‌ش بوویه، ئه‌و ژی ل ژێر درووشمێن ئۆتۆنۆمی، فیدرالی، سه‌ربخۆبوونێ پێنگاڤا دهاڤێژیت، ئانكو دكارین ب گۆره‌یی زمانێ سیاسی بێژین دو گرۆپێن كوردی ب ناسنامێ ڤه گرێدایه و باشترین رێیا چاره‌سه‌ریێ و ده‌لیڤێن باش و رێكێن هزرێن درێژخایه‌نن د وێ باوه‌ریێ دایه كو چاره‌سه‌ریا ئۆتۆنۆمی و فیدرالیێ و پرۆژێن ده‌مكورت ده‌مكینه، دیسان ڤی گرۆپی ره‌وشته‌كێ سیاسی هه‌یه پتر رژدیێ ل سه‌ر رێزگرتنا جڤاكێ كوردی مافێ تاكه‌كه‌سی و ئێكرێزیا ناڤمالا كوردی دكه‌ت.
لێ ئه‌گه‌ر ئه‌م ته‌ماشه بكه‌ین كو سه‌رخوه‌بوون كاره‌كێ نه‌مومكینه و دبێژن چ پارته‌ك نكاریت ڤێ بكه‌ته راستی و د وێ باوه‌رێ دانه كو ریفراندۆم نه‌بتنێ گرێدای ئیرادا گه‌لێ كورده، به‌لكو پتر یاگریدای بیردۆزێن سیاسی یه ل ده‌ڤه‌رێ و به‌رژه‌وه‌ندێن ده‌وله‌تان، له‌ورا خالا هه‌ره گرنگ ئه‌و بوویه كو كارتێكرنێن نێگه‌تیڤ د چاره‌نفیسێ كوردان داكریه، ده‌لیڤێن مفا وه‌رگرتنێ ژ ده‌مێ سیاسی و كاودانێن سیاسی نه‌ئێگرێزیا ناڤمالا كوردی نه‌بوونا په‌یڤه‌كا هه‌ڤپشكا سیاسی بوویه، وه‌كی نها ئه‌م دبینین كو رۆژ بۆ رۆژێ كوردستان یا به‌ره‌ڤ پێشكه‌فتنێ دچیت و پێنگاڤێن باش ژلایێ سه‌ركردێن مه‌ڤه دهێنه هاڤێنن، لێ مخابن هنده‌ك ژ مه كوردان بزاڤێن تێكدانا بارودوخێ كوردستانێ و ژ ده‌ستدانا ده‌ستكه‌فتان دكه‌ن سه‌ره‌رای وێ چه‌ندێ ژی كو ملله‌تێ كورد ژی مه‌زنترین نه‌ته‌وه‌یه ل جیهانێ بێ ده‌وله‌ت دژیت و مینا وه‌رچه‌رخانه‌كا دوور و درێژ و خه‌باته‌كا بێ راوه‌ستیان به‌رده‌وامی د ناڤبه‌را چار ده‌وله‌تێن هه‌ڤسوز دا كریه، تا نها ژی كورد د ناڤا ڤان مه‌رجان دا ل عیراقێ ب سه‌ده‌ما ته‌په‌سه‌ری و زۆرداریێ ژ ئالیێ درووشمێ عیراقێ بووینه مانشێنین چه‌ندین رۆژنامه و میدیایێن جیهانی و ل سالا 1991 كوردێن عیراقێ رێڤه‌برنا ده‌ڤه‌رێن كوردی ب ده‌ستخوه‌ڤه گرت و ژچه‌ندین ساله هه‌تا ئه‌ڤرۆ مینا ده‌وله‌تا هه‌رێما كوردستانێ تا نها شیایه رێڤه‌برنا خوه بكه‌ت، هێزا گه‌لێ كورد پشتی رووخانا رژێمێ زێده‌تر بوو، سه‌رۆك بارزانی د په‌یڤ و گوتارێن خوه دا هه‌رده‌م رژدی ل سه‌ر پشته‌ڤانیكرنێ بۆ سه‌رخوه‌بوونێ كریه، نها ژی گه‌له‌گ جاران ئه‌ڤ بابه‌ته ب گه‌رم و گۆری ل رۆژنامه و ده‌زگه‌هێن مێدیایی ب بیروبۆچوونێن جودا دهێنه ئازراندن و ئاراسته‌كرن، لێ ل ڤێره پرسیاره‌ك دهێنه پێش كو ئه‌رێ مه‌رجێن و بزاڤێن كوردان ژ فیدرالیێ به‌ر ب سه‌ربخۆبوونێ دبه‌رهه‌ڤن؟ ژبۆ ده‌ستڤه‌ئینانا به‌رسڤێ سه‌ربخۆیی مافه‌كێ ره‌وا و سروشتیه، كورد ئه‌ڤرۆ یێ هه‌می بزاڤێن خوه دكه‌نه د چارچوڤێ ده‌ستكه‌فتێن نه‌ته‌وه‌ی دا، له‌ورا دبێژم ئه‌رێ كارێ ره‌وشنبیران د ناڤ هه‌ر ملله‌ته‌كی دا چی یه؟ به‌رسڤ، چینا ره‌وشنبیر و ئه‌ندازیار و زانا مامۆستایان هه‌ر چینه‌كا دی ئه‌وه بلا د ناڤ جڤاكێ خوه دا ژبۆ به‌رژه‌وه‌ندیا ملله‌تێ خوه كاركه‌ن و دگه‌ل وێ چه‌ندێ ژی هه‌می تێگه‌هێن سیاسی ببنه ئێك ده‌ست و ئێك بریار و ئێكرێزیا ناڤمالا كوردی بپارێزن و ئه‌م هه‌می پێكڤه بێژین به‌لێ بۆ ریفراندۆمێ داكو دوژمنێن مه ئه‌ڤ جاره ژی وان ده‌ستكه‌فتنا ژ مه نه‌وه‌رگرن و مه بنبر نه‌كه‌ن، بلا ئه‌م ب هزره‌كا زانستی نه‌ته‌وه‌ی ته‌ماشه‌ی وه‌لاتێ خوه بكه‌ین و ببینه خودان وه‌لاته‌كێ سه‌ربخۆ و ل بن سیبه‌را ئالایێ خوه سرودا خوه پێشكشی جیهانێ بكه‌ین و خوینا شه‌هیدێن خوه بلند بكه‌ین داكو ئه‌م ژی وه‌كو هه‌ر وه‌لاته‌كی ببینه خودان ده‌وله‌ت.
تُتاح هذه الصورة أيضا في: کوردی
