ژن ژیانه ژیانێ نه كوژن
هێلان چيا
ژن د درێژیا دیرۆكێ دا تێكۆشین دژی توندوتیژیێ كریه و بهردهوام خهبات و بهرخوهدان كریه داكو ژ زۆلما ههی و ژ ئاستهنگان دهرباز ببیت، ل رۆژا (25) نوڤهمبهرێ سالا(1960)، سێ خووشك ل ئهمریكا لاتینی ل ویلایهتا شیگاغو ب ناڤێ خووشكێن میراباڵ ل كارگههێن رستن و چنینێ كار دكرن، ل ههمبهری وان زۆلم و دهست درێژی دهاته كرن، ههر سێ خووشكان بریارا هندێ دا كو شۆرهشهكێ یان رێكخستنهكێ دژی ڤێ زۆلمێ و توندوتیژیێ بكهن، پشتی ڤێ چهندێ سهرگرتی و بهلاڤ بووی، بریارا تیرۆركرنا وان هاته دهرخستن، ب رێیا ترافیكێ پیلان كر و ل وێدهرێ هاتنه قهتلكرن ب دهستێن دهستههلات و سهرمایهداریێ، ئهڤ توندوتیژیا ل ههمبهر میرابالن هاتیه كرن بوو ئهگهرهك ژن ب یهك دهنگ تێكئشینا توندوتیژیا دژی ژنێ بكهن، ئیرۆ توندوتیژی یا جهستهی، دهروونی، تاك، كۆمهڵ، سیاسی، شۆرهشگێری، ههروهسا كۆمهلایهتی براوهستینین ئاستهنگ بكهین، ئهڤ توندوتیژیا ل ههمبهر مه دهێته كرن ب و دهستههلاتێ و كۆمهڵگهها باب سالاری و ئهڤ توندوتیژیه پتر یا دهێته بهلاڤكرن د ناڤا چینا ژنان دا.
د دیروكێ دا ههردهمێ ژنا كورد خواست بیت كارهكی بكهت ئاستهنگ كرینه د رێ دا و نه هێلایه ب حهزا خوه كار بكهت و ههر دهمێ ژن بۆ رێبهر دبیته رێبهرا پهروهردێ و ماڵباتێ و ههتا كو زهلامی ژی، دڤێ ژن وهره رێكخستن د ههر ئالیهكی دا، ئهڤرۆ ژن ژ ههر دهمهكی پتر پێدڤی ب هشیاركرنێ یه، چونكی رهوشا ژنێ بهرهف خرابوونێ دچیت و زهلام ئایدۆلۆژیا ژنێ دگهل ئمپریالیێ و ماتریالیێ و سهرمایهداریێ ههڤپشك دكهن، بێژین رهوشا ژنان سالێن حهفتێیان ژ ئیرو باشتر بوو، چونكی ئازادیا كۆمهلایهتی و خێزانی یا ههڤپشك بوو ئهو دوگمایه خێزانێ ب ههڤدو ههبوو، ژبهركو ئهڤ پێشكهفتنا نها میناك تهكنۆلۆجیا سهردهمانه نهبوو، لێ ئهڤرۆ ب سهدان ژن و كچ قوربانی ڤێ پێشكهفتنێ دبن بێی كو ههڤ تێگههشتنهك د ناڤبهرا وان دا ههبیت، ژ ههر ئالیهكێ كئمهلایهتی و ئابووری و سیاسی ڤه، هیچ كێمكرنهك نهخسته ههمبهر وێ توندوتیژیا ل ژنێ تێكرن، ئهو جهێن كو خوه ب خوهدیێ ژنێ دبینن دام و دهزگهه و رێكخراو و میدیا و ههیا كو زانینگه ژی و ههیا داویێ دبێژن كو ژن ژی ئێدی ئازاد بوویه و ههر مافهك وهرگرتیه و كارێ زهلام دكهن ژن ژی دكهن. د ڤی ئالی دا ههر هونن سڤكاتیێ ب ژنێ دكهن یا كار دكهت و ب ههر رێیهكێ دخوازن كێم ببیت ژن و ئهو توندوتیژیا ل ههمبهر وێ ژنا هوون ب ئازاد ناس دكهن پتره ژ یا مال خزمهتێ دكهت، میناك ئهو كچێن د راگههادنێ دا كار دكهن یان د رێكخراوێن ژنان دا دبنه قهیره یان نائێنه خواستن و ههیا نها ژی زێهنیهتا رێژهیهكا زهلامان ئهوه كو ژنهك ژخوهره پهیدا بكهن هیچ كارهكێ ژ دهرڤه نهكهت تنێ ژ بۆ وی و مالباتا وی خزمهتكرنا مال بكهت، ژ لایهكێ دن ڤه ئهو قهیرانا دارایی نها ل باشوورێ كوردستانێ گرتی ئهڤ تیرئرزمه زاڵ بوویه و خویا دبیت ل گۆر هندهك ئامارێن دادگههێ كو رێژهیا ژ ههڤ جودابوونێ (بهردان) و توندوتیژیێ بهرهف زێدهبوونێ چوویه، دیسان كار كێم بووینه و سهدهمهك دن یا توندوتیژیێ نهزانینا بریاردانێ د ههڤژینیا كچ و كۆران دا و زهواج دبن ژیێ (18) سالیێ دا بهردهوامه و خوهراگرتن ههمبهر نهخۆشیان و چارهسهری ژ بۆ خوهكوشتنێ و نهخوهشیێن دهروونی ههیا نها نههاتیه چارهكرن، لێ هندهك ژن ب زێهنیهت كارین خوه ژ ڤان توندوتیژیان رزگار بكهن و كهتنه قادا پێشمهرگان و مل ب ملێ زهلامان و شیان حهقیقهتا ئازادبوونا ژنێ بهرچاڤ بكهن، لێ ههر ب رێژهكێ د كوێلهبوونێ دا رازانه، ژ ئالیهكێ دن ڤه چهكدارێن داعشێ زێده توندوتیژی و ئهشكهنجه و تیرۆر ب ژنێن كورد كرن، لێ ههر ژنان سهر نهچهماند و بۆ رێیهك كو ژن ئێدی خوه ئاڤا بكهت و ل ههمبهر زۆلم و زۆرداریێ راوهستیت وهكی ژنێن باكورێ كوردستانێ ئهو ل شهرهفا خوه دهركهتن و خهبات و بهرخوهدان و سهرهلدان و چلاك بوون ژ ههمی ئالیان ڤه تێكوشین ل ههمبهر توندوتیژیێ بوون، كو ب سهدان ژن دزیندانێن فاشستان دانه ژ بۆ ئازادیا مافێن خوه، ل ڤێرێ خویا دبیت كو ژن نهشهرهفا چ بونهوهرهكی نهبتنێ شهرهفا ژن ههبوونا خوه ئازادبوونا خوهنه، ل رۆژههلاتا كوردستانێ دهمێ شۆرهشا ههڤجانا قازی محمهدی ب ناڤێ ئامینا قازی كو سهرۆكا ئێكهتیا ژنان بوو تێكوشین دژی ژنێ ههبوو، لێ ئێدی رۆژ بۆ رۆژ دادگههكرن ل سهر كچێن كورد و زۆلما ئیرانێ ل سهر زاڵ دبیت و بۆ ماوێ چهند سالانه ههر كچهكا ب كوردی بخوینیت یان داخوازا مافێ خوه بكهت دێ زیندان كهن و گهلهك یاسایێن توند و دوور ژ مرۆڤاتی و ئازادیێ ل سهر سهپینن، میناك فهریناس و لهیلا قاسم و زهینهب، لێ ههر شۆرهش بهردهوامه و بێ هیڤیبوون نینه د زیندانان دا هزرا ئازاد دهێته هولێ، یا ژ ههمیێ گرنگتر ئهم رۆژئاڤا بینن میناك و بهر چاڤێن خوه بهریا رێكخستنا ژنێ و دهركهتن ل شهرهفا خوه ژ كیڤه مه ژن ناس دكرن كو كوردن ل رۆژئاڤا پشتی كوبانا ب بهرخوهدان ئێدی ههموو وهلاتهك ژ ژنا كورد دترسیت، ژنا كورد شیا ناڤێ خوه د دیرۆكێ دا بنڤیسیت و بۆ شۆرهشهك دژی كوێلایهتی و سهرمایهداری و نهمرۆڤاتیێ.
ل داویێ دبێژم ژنا ئازاد بكهن، ژنا خوهدی زێهنیهتهك ئازاد كۆمهلگهها ئازاده، كۆمهلگهها ئازاد وهلاتهكێ دیموكراته، ئهڤرۆ رۆژ رۆژا فێمینزمێ یه پێدڤیه ژن ب ئازادی بێ دهستهبهردای دهستههلاتێ یان بابسالاریێ پێشهنگ ببن و ئاڤا ببن و ببنه سومبول بۆ ولات و نشتیمانێ خوه و تهڤایا مللهتهكێ بن دهست نهبن روبوتهك د دهستێن وان دا..ئهو ژنا نهئازاد ژی خوه نێزیكی ژنا ئازاد بكهن دا هوون ژی ئازاد ببن و دبێژین ژن ژیانه ژیانێ نه كوژن بلا روحا ژنێ نهبیت قوربانا فیشهكێ و دبێژم شهرمزاری ژبۆ ههر زۆردارهك و زۆلمهك و توندوتیژیهكا ل دژی ژنان دهێته كرن وێ كوێلاتی و زۆرداریێ قهبوول ناكهین.
ئهڤ گۆتار ل مالپهرێ ئهڤرۆ نيوز،ل 5/12/2016 بهلاڤ بوويه.
تُتاح هذه الصورة أيضا في: کوردی