حاشا (لهشفروشی) ؟!
كۆڤان حسێن
مشه ڤان رۆژان ئهڤ ئیدیهمه هاتیه گۆتن، ئهوا راست بیت (لهشفرۆشی) ئێك ژ كهڤنترین (پیشهیانه) ل جیهانێ و نوكه ژی دوههم بازارێ قهجاخێ جیهانێ یه پشتی (مخدهراتان)، ب ساناهیترین رێكه بۆ پهیداكرنا (پارا)، دیاردهكا جیهانی یا پری ئالۆزیه. لێ ئهوا راست بیت كوردان د ههبوونا خوه یا كهڤندا وهك ئهم ئاگهدار ئهڤ (پیشه) وهك درفهتهكا ژیانی ناس نهكریه، ههمی (رۆژههلاتناس) و (گهرۆكێن) سهرهدانا كوردستانێ كرین ب چو رهنگی بهحسێ پرسا (لهشفرۆشیێ) د ناڤ كوردان دا نهكریه وهك دیارده. كوردێن بهرێ (عاشق) دبوون جوانترین داستانێن (ئهڤینێ) تۆماركرینه، لێ (ژنا) كورد د ههمی قووناغان دا ل ئهو پهرێ ماقیلیێ مایه (پاكیزهكا) رهنگ فریشته و جهێ رێز و باوهریا (زهلامان)، دبێژن كوردان چو ئیدیهمهك نینه ب كوردی جهێ پهیڤا (زنا) بگریت و ئهڤه جهێ راوهستیانێ یه؟! هندهك ژێدهر دبێژن وهختێ فرهنسا ژ سووریا دهركهفتی ل سالێن (سیهان) پتری (10) خانین لهشفرۆشیێ ل شامێ ههبوون؟! و دبیژن ل ئیستانبولا ئۆسمانیان ب سهدان جهێن ڤی كاری ههبوون، ل بن ناڤێن جودا جودا دا لهشفرۆشی دهاته كرن؟! ل بهغدایا عیراقێ كلتۆرهكێ لهشفرۆشیێ د كهڤندا ههبوویه و ههیه؟! لێ نههاتیه زانین ل چو باژێرهكێ كوردان ل ههر چار پارجا ب ئاشكرا جههكێ لهشفرۆشیێ ههبیت! د ههمی ژیانا سهخت و دژوارا كوردی دا د چو قووناغهكێ دا سهرخمهراتی ههمی رهنگێن ههژاریێ و نهداریێ دا د كلتۆرێ كوردستانێ دا (لهشفروشی) نهبوویه ژێدهرهكێ (نان) پهیداكرنێ. دیرۆكنڤێس و رۆژههلاتناس و گهرۆك رهحمێ ب كهسێ نابهن. ههكه ئهڤ دیارده ل دهف جڤاكێ كوردان ههبا دا ل جههكێ بهحس كهن؟! لێ كوردان دهفتهرهكا پاقژ د ڤێ واری دا ههبوویه، لێ نوكه و ملهتهكێ (40) ملیۆنی دبیت تاك تاك ههبن ب نهینی و ڤهشارتی ب ڤی كاری رابن، لێ قهت نوكه ژی ل ناف كوردان دیاردهیه، ئهو پرسا خانما پهرلمانتارا گۆرانێ دیاركری ب راستی یا سهركهفتی نهبوو ل دیاركرنا رهنگ و مهینهتێن خیزانێن ههژار ل كوردستانێ و تومهتهكا نه د جهێ خوه دا نهبوو، بۆ ملهتهكێ دههمهنا وی ههتا نوكه پاقژ د ڤی واری دا، ڤێ خانما گۆران سهرپێجهیهكا مهزن ل سهر خیزانا كورد و (ژنا) كورد كر، ههتا نوكه ههمی دوژمینین كوردان ب ههمی رهنگی شهڕێ كوردان كریه، لێ كهسێ وێرهكی نهكریه ل سهر دهزگهههك راگههاندنێ ڤێ بێژنیا ڤێ خانما گۆران گۆتی؟! ئهم قهت ئینكارا دیاردهكا جیهانی یا ژ ڤی رهنگی ناكهین ل وهلاتێ خوه بۆ (لهشفرۆشی و لهشبكڕیێ) تاك تاكه ههبیت. لێ قهت و قهت ئهو جوینا خانما گۆڕان بهحسكری دووره ژ ڤی رهوشتی و ل چو جارهكێ ل ڤی وهلاتی نهبوویه دیارده و دهرگههێ (نان) پهیدا كرنێ، پاشتری خانما گۆران داخوازا لێبۆرینێ ژ ههمی كوردان بكهت، مهزناهیه ههكه وهبكهت……
تُتاح هذه الصورة أيضا في: کوردی