سەدام حسێن دەسهەلات و حزبا بەعس گۆری نەمانا كوردا كرن و ل داویێ ڕیسوا و شەرمەزار هاتە سێدارەدان
مەهدی حەسەن
د رۆژەكا وەكی(١٩٨٨/٨/٨)پشتی هەشت سالا شەر و كوشتن و مال وێرانی هاتییە سەرێ گەلێ عێراقێ ل شەرێ قادسیێ كو هەر رۆژ جنازەك دهاتە دناڤ مالەكێ دا و خەلك ژ وەلاتێ خۆ درەڤین و قاچاخ دبوون و دقەیرانەكا دارایی وئابووری دا دەرباس دبن،بەلێ ل رۆژەكا وەكی ئیرۆ دا ئەڤ شەر ب داوی هات دناڤبەرا عێراق و ئیرانێ دا،ئەڤ شەر سەكنی و پێكهاتن ل سەر دەستبەردانا عێراقێ ژ (شگ العرب) بۆ ئیرانێ ئەوژی لسەر شاشیێن سەدام حسێن.
رۆژا ئاڤا وەلاتێ خۆ دایە ئیرانیا پێخەمەت رەتكرنا رێككەفتنا بەیانا ئادارا سالا(١٩٧٠)ێ هاتییە مۆركرن و بەختێ خۆ ل كوردا بەردایی ،ژبۆ شكەستنا شۆرەشا ئەیلولا مەزن تەنازل ژ شەرەف و ناموسا خۆ كر و شگ العرب دا ئیرانێ و رێكەفتنا جەزائر هاتە ئیمزا كرن دناڤبەرا مەحەمەد رزا بهلوی شاهێ ئیرانێ وسەدام حسێن و ب حازریا هواری بومدین سەرۆكێ جەزائیر و عبد العزیز بوتفلیقە ل سالا ١٩٧٥ێ بەرامبەر رێگری گرتن ل شۆرەشا ئەیلولا مەزن ب سەرپەرشتیا بارزانیێ بابێ روحی و نەتەوەی شگ العرب دا ئیرانێ،بەس دا كورد بشكێن و نەمینن ،لێ ئەو بوو شۆرەش ل وی دەمی شكەست و گەلێ كورد ب روحەكا دی كەفتە قادا خەبات و تێكوشینێ دهەمان دەم دا پێشمەرگەهی چاڤ نەترس و مێرخاس داستانێن مەزن تۆماركرن و لەشكەرێ عێراقێ شكەستن خوار و باوەریەكا مەزن بۆ گەلێ عێراقێ ب گشتی وكوردستانێ ب تایبەت دروست كرن،فەرە كورد ب مافێ خۆ شادبن و ب چ رەنگا كورد دەست ژ دۆزا خۆ بەرنەدەن ئەو بۆ سەدام و حزبا خۆ ژ سۆزێن خۆ لێڤەبوون دگەل ئیرانێ و شەرێ قادسیێ دەست پێ كر بۆ ماوێ هەشت سالا و عێراق دقەیرانەكا خراپ دا دەرباس دبوو ژ نەچاریێن خۆ سەدامێ دكتاتۆر دەست ب تەعریبێ كر و هندی بێژی زۆری و زۆرداری ل كوردا كر و كیمیا ل كوردا دا و دەست ب ئەنفالا كر و هەر چ بێژی دگەل كوردستانێ ئەنجام دا،بەلێ هەر شەرمەزار بوو،ل داویێ شگ العرب هەر دا ئیرانێ بەلێ هەر مالەكێ كوشتیەك دا ل شەرێ قادسیێ و خسارەتەكا مادی یا مەزن دا و كاریگەریەكا مەزن ژ هەر ئالیەكی ڤە ل عێراقێ هاتە كرن ژنوو پێكهاتن و رژێما گۆربەگۆر ئاهەنگ گێران و گۆتی ئەم سەركەفتین و دەست ب ئەنفالا كر و د ئەنجام دا ١٨٢ هەزار كورد هاتنە ئەنفال كرن،بەلێ ئاگرێ شۆرەشێ هەر یێ هلكری بوو و كورد ژی هەر مان و شۆرەش بەردەوام بوو،سەدام ژی ژ ناچاری كوێت داگیركر تێدا وەڕتی و هاتە ژناڤبرن.
گەلێ كورد سەرهلدانا بەهارا سالا ١٩٩١ێ ئەنجام دا و بنە خودان حكومەت وپەرلەمان و خودێ خێركەت بەعسی و سەدام ژی هاتن ژناڤبرن و كورد ژی ل نێزیك دێ ریفراندۆمێ كەن ل(25/9/2017)ێ و دێ بنە دەولەت،ئەڤجار نەیار و دوژمنێن كوردا بخۆ سەربۆرێ ژ سەدام حسێن و بەعسیا وەرگرن،كەسێ هندی وان دژاتیا كورد و كوردستانێ نەكریە،داویێ ئەوژی چۆن و سمبێل ژی چۆن.
تُتاح هذه الصورة أيضا في: کوردی