بۆچی بەلێ بۆ دەولەتبوونا كوردستانێ ؟؟؟؟
فەهمی بابێ رۆژانێ
مللەتێ كورد ب گشتی وئێزدیان ب تایبەتی ب درێژیا دیرۆكێ تووشی سەدان كارەسات وجینۆساید وقركرن ومالوێرانیێ بووینە لسەر ئاخا خۆ وهەردەم بەرخودان وشۆرەش كرینە ورادەستی دوژمنان نەبووینە وهەر بگرە ژبەری زایینی ب هەزارێن سالان وپشتی زایینی وهەتا نهۆ مەترسی لسەر هەیە،مخابن زۆربەی شكەستنێن كوردان هەر هنەك خۆفرۆش ژ كوردان بووینە داردەستێ دوژمنان لێ مللەت هەر خۆراگربوویە وناسنامە وئۆل وكولتۆروزمانێ خۆ پاراستینە،ڤێجا هەر ژسەردەمێ سۆمەریان وئەكەدیان وبابلیان وئاشوریان وهەتا دەمێ میدیان كو هەتا وی دەمی هێشتا پەرتۆك ژئاسمانا نەهاتبوون وهەموو لسەر ئۆلا میتانی وهۆری وكوتی ولۆلۆیی ومیترایی وداسنی ومزدەیەسنایی وئەزدایی بوون وهەتا زەرە دەشت هاتی وخۆ وەك پێغەمبەر دایە ناسین كو ئێكەم پێغەمبەرێ بەرجەستەیە ل رۆژهلاتا ناڤین وئایینێ خۆ بەلاڤكری وهندەك كرینە اهورامزدا پەرێس وهندەك ئەوێ لپێ نەچۆی كرینە ئەهریمەن پەرێس وفەرمانا وان ئیناین وگەلەكا خۆ رادەست نەكر ومانە لسەر ئۆلا خۆ یا كەڤن كو نهۆ ئەم ئێزدینە.
پشتی هاتنا جوهوا وموسای وفەلا وعیسای ومحەمەد وئیسلامێ وسلاڤ ل هەموو پێغەمبەرانبن ئەوان ژی هندەك ژوان كوردان كرن سەر ئۆلا خۆ چی بدلێ وان بت یان ب زۆری بەلێ بەرخودان هەرا بەردەوامبوو ومە پاراستن ئۆل وزمان وكوردستان لاندكا شارستانیێ هەر مایە خۆراگر وب هەموو ئۆل ونەتەوە وپێكهاتێ خۆڤە،ب درێژیا شۆرەشێن كوردی لهەر چار پارچان هەر بگرە ژ شۆرەشا شێخ رزایێ دَیرسمی وقرنا وان وشێخ سەعیدێ پیران ول سێدارەدانا وی وشۆرەشا ئاگری وشۆرەشێن بارزان ئێك ودوو وكۆمارا مەهاباد وسێدارەدانا پێشەوا قازی محەمەد وشۆرەشا ئیلۆنا مەزن وشۆرەشا گولانا پێشكەفتن خواز وئەنفالكرنا بارزانیان وفەیلیان و (182) هەزار بێ سەروشوێنكرنا كوردان ب هەموو پێكهاتێ خۆڤە وكیمیا بارانا هەلەبچا شەهید وجینۆسایدكرنا ئێزدیان ل چیایێ شنگالێ وهاتنا تیرۆرستێن داعشێ هەر كوردان بەرخودانكرینە ونهۆ بارودۆخ ل ناڤخۆ ول هەرێمێ دگونجاینە كو كوردستان پشتی وان هەموو كارەساتان و وەكی مافەكێ سروشتی دڤێت چارەنڤیسێ خۆ ودەولەتا خۆ راگەهینە،وەك بەرسڤ بۆ وان هەموو كارەساتان ودێ ببە دەرمانێ هەموو دەردان وهەموو پێكهات دێ ب مافێ خۆ یێ رەوا شاد ببن دكوردستانا فیدرالی دا،نەخاسمە پشتی ناڤ ودەنگێ كوردستانێ وپێشمەرگەهێن قارەمان دونیا هەژاندی دژی دورندەترین هۆڤێ چەرخێ بیست وئێكێ ،هەكە بۆ پێكهاتێن دی جارەكێ پێتڤی بت بۆ مە ئێزدیان چەندین جار پێتڤی یە وئەڤە وەلاتێ مەیە بەری هاتنا ئەرەبان وعەجەمان وتركان بۆ دەڤەرێ ب هەزارێن سالان لسەر مە پێتڤی یە ژهەموویان پتر خەلكێ خۆ هانبدین بۆ چۆنا سەر سندۆقێن دەنگدانێ وهەزار جاری بێژین بەلێ بۆ دەولەتبوونا كوردستانێ سەرەرای هەموو كێماسیان ودەرد وكولان.
دەولەتبوونا كوردستانێ دێ بتە دەرمانێ هەموو دەردان وئیرۆ رۆژا شەرەف وكەرامەتێ یە وتۆلڤەدانا هەموو كارەساتێن بسەرێ مللەتێ مە ب هەموو پێكهاتێن خۆڤە هاتین وئەوێ نەچت ودەنگێ ب بەلێ نەدەت دێ بەرپرسیاریا دیرۆكی لێ وەرگرت ودێ زۆر پۆشمان بت ل داوی رۆژێ،ئەم هیڤیدارین هەموو كوردێن ب شەرەف لرۆژا -25-9-2017ب دلەكێ كوردپەروەرانە هەموو خەلكێ خۆ هانبدەن بۆ دەنگدانێ ب بەلێ بۆ دەولەتا فیدرالیا كوردستانێ وسەركەفتن یە برێڤەیە،بژیت كورد وكوردستان وبژیت دەولەتا كوردان.
تُتاح هذه الصورة أيضا في: کوردی