ئەز ژی یا(یێ) هەیم
چنار ئەحمەد
پشتی ژیێ زارۆكینیێ تەمام دكت و سنێلەیێ دبۆرینت ،گەنج گەلەك هیڤی و ئۆمێدان دهزرا خۆدا پارڤەدكت ،خەونێن خۆ دنڤیست دا ژبیرڤەنەكت ،هەموو بزاڤا دكت ئەوا د مێشكێ وی دا ب دارێژت و خەیالێن خۆ بكەتە راستی ،خۆماندی دكت دا دڤی گەردوونێ مەزن و پری ژێهەلی و ژوردانی و دول و نهال دا ب سەر چیایەكی ب كەڤت دا هەبوونا خۆ دیار بكت.
دكوردستانا ئیرۆ دا دڤان كاودانێن دژوار یێن سیاسی و ئابووری یێن هەرێم تێدا دبۆرت و خەلكەك ب گشتی كەفتیە دبن فشارا وان ڤە ، گەنج ژی ژڤێ دزفرۆكێ د بێ بەهر نینن و كەفتینە بەر ڤێ پێلا دژوار و دبن ڤی بارێ گران ڤە ، ئەڤا مە گۆتی هەموو یا هاتیە ترساندن و د قولیچەكێ دا هاتیە ڤەشارتن ،سەرێت رێیا یێ لبەر هندابووین چ رێیەكا راست و دروست بدەست ناكەڤت و جاران ئەو رێیا دهەلبژێرت ژی تژی دبت ژ رێگر و قەید و زنجیران،كاودان نەچاردكن پاشڤە ب زڤرن و سەر ژ نوو سەرئەڤرازیەكا دن بگرتە بەر ، ئیرۆ گەنج وەكی مرۆڤەكێ كورە و پەك كەفتی یێ ل هیڤیا كەسەكی دەستێ وی بگرت هەتاكو بكارت پێنگاڤان پاڤێژت، گەنج ستوونا مللەتی نە ئەگەر شكەست ونەما ئانكو مللەت كەفت و هێزا خۆ ژ دەست دا.
دئیرۆ دا ئەڤ چریسكا رۆناهیا مایی ئەڤ چراكێ دناڤ ڤێ تاریاتی و هندابوونێ دا بزاڤێ دكت دەوروبەرێن خۆ روهن بكت ، پێتڤی ب هندەك سازیان هەیە دەستێ هاریكاریێ بۆ درێژبكن،پشتەڤانیێ لێ بكن و هزرا هەبوونا وان بكن ،رێیێن راست لبەر ڤەكەن و دەلیڤێ بدەنێ بەرهرەیێن خۆ دیاربكن داكو باوەری بخۆ هەبت و بكارت وەكو تاكەكێ جڤاكی رەفتارێ بكت و هێز و شیانێن وی تێرا هندێ بكن وەكو سەركردەیەك بریارێ لسەر هەلبژاتنێن خۆ بدەت ،هەر چ نەبت مایكەكێ بۆ بەردەست بكن دا كو ب دەنگەگێ بلند گازی بكن و بێژم ئەم یێن هەین و ب هەموو رەنگان دێ هەبن.
تُتاح هذه الصورة أيضا في: کوردی