ژنان رۆلەكی مەزن دهەبوونا مرۆڤ و مرۆڤایەتیێ دا هەیە
جوان عزەت 
ئەم دزانین كو كۆمەلگەهێ لسەردوو بنەمایان دەستپێكر، ئەو ژی بنەمایێ ( ژن و مێر)، چنكو پێشخستنا ژن و مێری واتەیەكا مەزن د شێوەیێ كۆمەلگەهێ دا دروستكر و بنگەه ژی ب رێیا رۆلێ وان هاتن پێكئینان،هزربكە ژنان كاری گەلەك رۆلان ئەنجام بدەن، ژبەركو ئەو بوون پیشەنگ دئاڤاكرن و پێشڤەبرنا زانستێ جڤاكی،كۆمەلگەه، مێر و زارۆكی دا،ئەرستوتالیس دەربارەی هزرا ئازادیا ژنێ دبێژت:(مادەم بوونەوەرێن زیندی پێش دكەڤن، پێتڤیە ژن و مێر ژێك جودا ببن،چنكو هەر ئێكی هەبوونا خۆ یا ئازاد هەیە و نابت وەكو رووەك و گیانەوەران بن)، كەواتە،هندەك جڤاك ژنێ ب هەبوونا روەكی دسەلمینن و هزر د دروستكرنا ئایدۆلۆژیا وێ دا ژی ناكن، چنكو ژنێ نابینن پیشەنگ بۆ جڤاكی،ئەگەر ئەم لسەر دیرۆكا ژنێ بسەكنین دێ بینین كو ژنان رۆلەكێ مەزن دهەبوونا مرۆڤ و مرۆڤایەتیێ دا هەبوویە،چنكو ژن دناڤ جڤاكی دا دبتە ئالیگرا پەیاما راستین وبنگەهین،ل ڤێدەرێ ئەم راستەرێ پرسیارەكێ دئێن، بەلێ بۆچی هەتا نهۆ مە ژن نەكریە پیشەنگ بۆ ئاڤاكرنا جڤاكێ راستین و بنگەهین؟ دبت هەتا ئاستەكی مە هەولدابت،كو ژن ژی خودان هزر و هێزە دكارت پشكداری ئاڤاكرن و پرۆسێسا جڤاكی ببت،بەلێ مە ئەو هەبوون نە دایە ژنێ كو ئەو دناڤ ژینگەها جڤاك و كۆمەلگەهێ دا بوونەوەرەكا تەمامە، بەلكو مە لسەر هەبوونا مێری ئەو كریە بوونەوەرەكا نە تەمام و نەزان،لەورا بەردەوام كەفتیە درەوشێن نالەبار دا،ب پرسیارەك دیتر، ئەرێ ئەم پەیوەندیا مرۆڤ و مرۆڤایەتی ب هەبوونا سرووشتی یان گەردوونی ڤە دبینن؟ هەتا ئەم ژنێ بدانین پلە دوو؟ ب هزرا من مە پەیوەندیێن مرۆڤ و مرۆڤایەتی ب هەبوونا گەلەك تێگەهێن ماددەی و سرووشتێ ماددەی ڤە گرێداینە، چنكو ئەو تەوتەما د هەبوونا هزرا سرووشت و گەردوونی دا دئێتە لڤاندن ب سایا ئاستی ئەقل دناڤبەرا مرۆڤ،سروشت، گەردوون و پاشی مرۆڤایەتیێ دا دەست پێكت،بەلێ مە رەتكریە یان ژی ئەم ناخوونین و فام ژێ ناكەین،بنێرە د داستانا گلگامێشیێ دا بەردەوام ژن ب فاكتەرێ شەركرنێ نیشان دایە، ئەڤ چەمكە ژی جۆرەكە ژ چەمكێن بالادەست، چنكو هزرا گلگامێشی كەفتیە دناڤبەرا دوو چەمكان دا ژ لایەكی گلگامێشی خوازتیە كارێكتەرەكا پێویست بۆ هەموو ژنان دروست بكت،ژلایەكی دی ڤە گلگامێشی هەولدایە خۆ ب باشی دیاربكت و بپارێزت،كەواتە ئەڤە ژی گلگامێشی دهێلت ناڤبەرا ژن رزگاركرن و ژن بن دەستكرنێ دا، لەورا ل پێ وێ شوپی ژن هێدی هێدی هاتیە نژاندن،ئەنجام: پێتڤیە ئەم ڤێ راستیێ پەسەند بكەین، كو د ئاڤاكرنا ئێكەم جڤات دا وهەتا دگەهتە گرنگترین قۆناغا شۆرەشێ ب نوونەراتیا ژنێ سەرهلدایە و هاتیە رێڤەبرن، بەلێ ئەز دبێژم، هەتا ئەم ژنەك ئازاد، چالاك، بهێز و هزرمەند، وێرەك ئاڤا نەكەین، ئەم نكارین كۆمەلگەهەك و جڤاكەك و شۆرەشەكا بهێز ژی لژێر ناڤێ نوونەریاتیا ژنێ ب نوونەراتیا ئازاد و رەوشەنبیر ژی ژنێ ئاڤا بكەین.
تُتاح هذه الصورة أيضا في: کوردی