دناڤ رێخستنێن ئێزديا دا شهرێ دهستههلاداريێ يه
عهسكهرێ بۆيك
ئهزوهك نڤيسكارهكی ڤێ جڤاكى و ئەڤدهكی ب ئەمرێ مهزن ژ بوویهرێن ڤان رۆژان كو د ناڤ.ئێزدیا دا دهست ددهن خهمگین و دلگرانم .
26_27ى مهها بۆری ژ ئالیێ بنهمالا میرا ڤا میرێ ئێزدیان ئێ نوو حازم تهحسین بهگ هاته دهست نيشانكرن ئەڤ چهند رۆژن دۆرا ڤێ بریارێ دناڤ هندهك كۆمێن ئێزدیان دا پرۆپاگندهكا نه مهعریفهت و كرێت و نه هێژا تێ مهشاندن.
ههر تشت چارچۆڤا مهقوولتیێ دا خۆشه،لێ دڤێ كامپانیا ههتا نها ژی بهردهوام دا نهقهدر مایه، نه مهعریفهت نه خۆف و نه ژى شهرما ئێزدیاتیێ.
مهیدان كهتیه دهستێ گهڤهزه و زماندرێژان.
ژ 7 مهها بێتر ئە،كو كو میر تهحسين بهگ چۆیه بهر رهحما خودێ دهسهلاتداریا ههرێما كوردستانێ تهڤ گهل ب ئاستهكا بلند و لایق ب گهلهمپهری میر تهحسین بهگ ڤهرێ كرن تهڤایا ئێزدیان تهڤی وێ مهراسیما ماقوول یا خاترخواستنێ بوون.
ئهڤه 7 مههـه تهمامیا ئێزدیێن جيهانێ هیڤیا دهست نیشانكرنا میرێ نوو بوون چاوا دهات خانێ ئێزدیخانێ بژارتنا میر هێشتبوون هیڤیا بنهمالا میرا.
مه دیت 26-27 تیرمههێ دهست نيشانكرنا میر ژ ئالیێ بنهمالا میرا ڤا پێك هات حازم تهحسین بهگ میرێ ئێزدیان يێ نوو هات دهست نیشانكرن.
جیێ دلخۆشیێ یه كو ب ره- رزمێ میراتیێ و بیر-باوهریا ئێزدیاتیێ میراتیا كهكێ حازم لالش ئا نوورانی دا ب ئاڤا كانیا سپی هات مۆركرن ب جل و بهرگێ میراتیێ میرێ نوو دهركهته بهر گهل.
كهكێ حازم لاوێ رهحمهتیێ میر تهحسین بهگ،سالێ میر ئێ دهویێ ئەو وهكیل و جێگرێ وی بوو میر ئامنیا خۆ ب وی تانی.
ئهو دناڤ جڤاكا ئێزدیێن ههرێما كوردستانێ دهولهتا عێراقێ و گهلهك وهلاتێن جيهانێ دا وهك نوونهرێ ئێزدیان ناسكری یه.
فهمداریه ڤێ رهوشا ئێزدیا ئا گران دا دهست نيشانكرنا رێڤهبهرهكی وهكا میر وێ ناڤا گهل دا هندهك گازن ژی پێشدا بانیا.
لێ چ بوو و نها ژی بهردهوام ئە دناڤا توو چارچۆڤێ دا جی نابه گلی دگهێژه پهیڤێن نهمهعریفهت بێهورمهتكرنێ ههتا چێرا…
پهی دهست نيشانكرنا حازم را هندهك جیا “میرێ“ خۆ كڤشكرن هندهك جیا ژی حازریا
كڤشكرنا “میرێ”خۆ يێ نوو دبینن هندهك شێخ ژی بۆ میراتیێ ناڤا خۆ پێشنیار دكن.
گهرهكێ بێ گۆتن پایێ وان „رهخنهكارا“ دووناڤ ن، سهرۆك و رێڤهبهرێن رێخستنێن ئێزدیان.
ژ ئاخفتنا خویا دكه „رهخنهكار“ بهردهڤك و كرێكرێ كیژان هێزێ، دهولهتێ، جڤاكى و رێخستنێ نه كى پشت وان سهكنیه و ب ئالیكاریا كێ ڤان چالاكیان پێك تینن مهرهمێ وان و خوهیێ وان ئێزدیاتی و چارهسهركرنا پرسگرێكێن ئێزدیاتیێ نینن، دخوهزن ڤێ بهتفاقی و ئالۆزتیا ل ناڤ ئێزدیا دا چێبوویی هێ ئالۆزتر بكن شهرهكی ناڤخوهیی ل ناڤ ئێزدیا دا چێكن ڤی حالێ ئێزدیا يێ گران ژ بۆ مهرهمێ خوۆ كێر بینن،ئێزدیان ژ وهلات، ئاخ، نهتهوه و كوولتوورا وان بقهتینن.
ئهڤ كامپانیا قرێژ خێنجی زرارێ و ل ناڤ جيهانێ دا بچووككرن و بێروومهتكرنا ئێزدیاتیێ توو كارهكی وێ یێ دن ننه.
باشه ئەگهر ئەو گرۆپ قایل نهبوون حازم تهحسين بهگ دهوسا باڤێ خۆ رونه،7 مههـ ژ وهغهركرنا میر دهرباس بوویه، برا ئەو گرۆپ بجڤیانا (???) دهست نیشانكرنا میر هیڤیا بنهمالا میرا نههێشتنه،ناڤهكێ دن پێشدا بدانه…
نها ب سهدان رێخستنێ ئێزدیان پارتیا،مال-كۆمهل،تيڤى، رادیۆ،فێسبۆك… و نزانم چ چێ بوونه (وانرا جيێ كرن ئە)… لێ تهلهبهخت را سهرۆك و رێڤهبهرێن پایێ وانی پرێ نكارن كێلهكا ههڤ روونێن ژبۆ ههر رێخستنهك ب دهستێ دهولهتهكێ،هێزهكێ هاتیه ئاڤاكرن و نه ب كارا ئێزدیاتیێ لی ب گۆتن و كارا وان رێڤه دچه. پایێ وانی پرێ دژی ههڤن.
دناڤ رێخستنێن ئێزدیا دا شهرێ دهسهلاتداریێ یه.
ههر كهس دخوهزه ل سهر كهلهفێ شنگالێ را بگهێژه بلندایێ كورسیێن حكومداریێ.
ئهز زانم ل ناڤ جڤاكا ئێزدیا دا ههر تشت راست و دروست نینه.
ئهز زانم ئەڤ نڤیسينا من ب دلێ گهلهكا نینه،لێ چ ژی ههبه بانگی ههموو ئێزدیا دكم كێ كارا ئێزدیاتیێ دخوهزه گوهـ نههدنه گهڤهزه وشهرلهتانا نهكهڤن ناڤ ڤان كامپانیا دژی ئێزدياتیێ یه قرێژ.
ئێزدی د حالهكی پر گران دا نه..ئێزدی گهرهكێ ب ئاقلایی ڤی حالێ گران دهرێن.
ههر ئالۆزیهكا وا حالێ ئێزدیان خرابتر دكه.
تُتاح هذه الصورة أيضا في: کوردی