پەروەردە ب رێیا هۆنەری
چنار شەمو
پەروەردا هۆنەری رۆلەكێ گرنگ هەیە د پێگەهاندنا كەساتیا مرۆڤی دا،وەكو هەموو بابەتێن دی یێن خووندنێ پشكدار دبت دئاڤاكرنا كەساتیەكا بهێز بۆ مرۆڤی،هەروەسا دبتە ئەگەرێ گەشەكرنا شیانێت مرۆڤی،چنكو پەروەردا هۆنەری ئێكە ژ بابەتێن گرنك یێن چالاكیێن مێشكی و رەوشتی،زانا دووپات دكن كو پەروەردەیا هۆنەری گەلەكە گرنگە ژبەركو هێز و شیان و داخوازیێن مرۆڤی بەرەف ئاستەكێ بلند دبەن،هەروەسا دەروونی ئارام دكن و هزرێن مرۆڤی زێدە دكن و ژیانێ ب خۆشی و ب جوانی دهێلن،ل قوتابخانێ بابەتێ هۆنەری وەك بابەتەكێ دلڤەكەر رۆلەكێ گرنگ هەیە بۆ قوتابیان داكو دەربرینێ ژ هزروبیرێن خۆ بكن،ئەو كەسێ هۆنەری دخوونن و كەسێن دەستێ كارێن هۆنەری هەین هەست ب جوانی و خۆشیا ژیانێ دكن و بەها و رەوشتێن بەها و رەوشتێن جوان دناڤبەرا تشتان دا دكن و وان دیتن و شلۆڤەكرنەكا تایبەت بۆ هەر تشتی هەیە، چنكو پەروەردا هۆنەری گەوهەرێ پەروەردا وژدانی یە و ژ ئالیێ رۆحی ڤە مرۆڤی دەولەمەند دكت و دبتە تەمامكەرێ كارێن هزری و داهێنەریێ و كەساتیەكا ئارام ب مرۆڤی دبەخشت،پەروەردا هۆنەری گرنگیەكا مەزن هەیە د پرۆسێسا پەروەردە و فێركرنێ دا، زارۆك وەسا بەرێ خۆ ددەتە هۆنەری كو دەرفەتەكا باشە دەربرینێ ژ هەست و هزرێن خۆ بكت،هەروەسا سنێلە وەسا دبینن هۆنەر باشترین رێیە دەربرینێ ژ حەز و ئارەزوویێن خەیالی بكن و ب رێیا وێنەیان و كارێن هۆنەری ژ جیهانا خەیالی بێنە جیهانا راستەقینە،ئەو پەیاما بڤێن بگەهینە كەسێن دەوروبەرێن خۆ،هەروەسا مرۆڤێ پێگەهشتی دبینت هۆنەر باشترین تشتە كو دەربرینێ ژ بیروبۆچۆنێن خۆ یێن دروست بكن بۆ پاشەرۆژێ و ئاڤاكرنا كەساتیەكا بهێز،لەوما یەفەرە ئەم گرنگیەكا مەزن ب پەروەردا هۆنەری بدەین،دیسان ب رێیا هۆنەری ئەم دكارن پەیوەندیێن گەرم دناڤبەرا گەلێن جیهانێ دە چێكن و رەوشەنبیری و كەلتۆر و دابونەریتێن خۆ یێن نەتەوایەتی و ئاینی نیشا جیهانێ بدەن و گەلێ جیهانێ ب هەڤدوو شاد بكن،هۆنەری گرنگیەكا زۆر بۆ زارۆكی هەیە و زارۆك نكارت ئاخفتنێ ئامرازەك بكاربینت بۆ گەهاندنا مەبەستا خۆ بۆ كەسێن بەرامبەر،بەلێ دكارت ب رێیا هۆنەری دەربرینێ ژ هەستێ خۆ بكت،هەروەسا ژ دەستپێكا تەمەنێ خۆ وێنێ وان تشتان دكێشت یێن حەز لسەر هەی،ئەگەر ئەم تێبینیا وێنێ زارۆكی بكەین هەر وێنەكی بابەتەك یێ لپشت هەی كو گرێدایی بارێ دەروونی یێ زارۆكی یە رەنگڤەدانا تشتێن دەوروبەرێن وی دناڤبەرا ژیوار و خەیالێ دا،هەردیسان ئەم دكارن ب رێیا وێنە و نیگارێن زارۆكا هەست ب ئازار و نەخۆشێن وان بكەین ،چنكو وێنە گەلەك جارا دەربرینێ ژ ژیانا زارۆكی دكت.
تُتاح هذه الصورة أيضا في: کوردی