یا 75ێ ب دەستێ ئێزدیانە
سۆزدار رەشید نەرمۆ
ئێزدیاتی ئاینەكێ كەڤنێ كوردستانێ یە ئەگەر پرانیا كوردستانیا ئێزدی نەبن ژی كەڤنترین ئاینە ل كوردستانێ و ب درێژاهیا دیرۆكێ ئەڤ ئاینە راستی چەندین كۆمكوژیا هاتیە،هەتا بوویە كەمینەیەكا ئاینی د وەلاتێ خۆ دا.
فرمانێن ب سەرێ ئێزدیان دا هاتین د دیرۆكێ دا هژمارا وان دبنە ( 74 )و هەتا ئێزدی بووینە هژمارەكا گەلەكا كێم ژی و هێشتا چاڤێن نەحەز و نەیاران ژێ ڤەنەبوویە و بەردەوام یێ دهەولا نەهێلانا وان دا ، ڤێ چەندێ ژی دوو ئەگەرێن سەرەكی یێن هەین یا ئێكێ ئەم ئاینەكێ سەربەخۆینە نەكەسی دناڤ خۆ دا دحەوینین و نە دهێلین كەس ژ ناڤ مە دەركەڤت و ئەگەر هات و كەسەكێ ئێزدی ئێزدیاتیا خۆ هێلا بێ كو زۆری لێ بێتە كرن ئەوی كەسی ماف نینە ڤەگەرێتە سەر ئاینێ ئێزدیان،بەلێ ئەگەر ب زۆری ژ ئێزدیاتیێ هاتبتە دووركرن دەرگەهێ پەرستگەها لالش بۆ ئەوی كەسی ڤەكریە بێتە مۆركرن و ببتە ئێزدی،ئەڤ چەندە وێ چەندێ دگەهینت كو ئێزدیاتی نە ئاینەكێ فراوانخوازی و شەرانگیزە ،ئەگەرێ دووێ و هەری بهێز ئەوە كو ئێزدی كوردێن رەسەنن و هەر ئێزدی بووینە چاند و كلتۆر و زمانێ كوردی پاراستی،لەورا هەردەم ئێزدیاتی یا د مەترسیا قركرنێ و ژناڤبرنێ دا،و بۆ ڤێ مەرەمێ ژی دووژمنێن ئێزدیاتی و كوردایەتیێ بەردەوام هەولێن قركرن و ژناڤبرنا ئێزدیان ددەن و هەول ددەن ژ نەتەوا وان یا كوردی ڤەقەتینن ،ئەڤ هەول د نوو نینن بەلكو ل سەردەمێ رژێما بەعسا ژناڤچۆیی ڤە هەبووینە و پشتی كەفتنا بەعسیان و وەرگرتنا دەسەلاتێ ژلایێ شیعەیان ڤە بەلێ ئەو هەولە هەتا وی رادەی نە د مەترسیدار بوون بەلێ رۆژ بۆ رۆژێ ئەڤ هەولە مەترسیدارتر دبن ب دیاربوونا هندەك سەر و چاڤێن بەری نۆكە و نهۆ ژی د جڤاكێ ئێزدیا دا نە د مەرغوبن و بتنێ كاردكن بۆ فتنە و دووبەرەكیێ ،داكو بگەهنە وێ مەرەمێ یاكو سەدام حسێن نەگەهشتیێ ب هاندانا هندەك كەسانێن شیعی یێن نە بەرپرس و پڤدانا بن چەنگێن وان بۆ گۆتنا هندەك پەیڤێن شرین و دەستكەفتێن تاكەكەسی.
دڤێت پسیار بێتە كرن بۆچی دكەڤن دا ئەو هەولە سەر نەگرتیە نهۆ زەنگا مەترسیێ بۆرا تێتە لێدان د بەرسڤێ دا دبێژین ئێزدی بەشێ چەندین بەرەیان بووینە ژ وان بەرەیان ژی بەرەیێ كورد و كوردستانێ یا راست و دروست ئەوە،و دهەمان دەم دا حەشدا شیعی یا بناڤێن جۆراوجۆر حەشدا ئێزدی یا دامەزراندی ل وێ چەندێ ژی نەراوەستیاینە بەلكو یێ رێ بخۆ خۆش دكن كو ئێزدیا ب شیعاتیێ ڤە گرێدەن ب رێیا پرچەككرنا هژمارەكا زێدەتر یا ئێزدیان ل شنگالێ و ل ڤێ ژی نەراوەستیاینە بەلكو هەولا دانانا مەزارێ ئیمام حسێنی ددەن ل شنگالێ ، دانانا مەزارەكی ئاریشە نینە بەلكو راكرنا وی مەزنترین ئاریشە یە.
ئەڤە ژبلی هێزێن نە عَیراقی یێن وەكی پەكەكێ كو وان ژی هژمارەكا ئێزدیان پرچەك كرینە و حكوومەتێن خوەجهێن بناڤێ كانتۆنان داناینە ژبۆ ئالۆزیا دەڤەرێ و مەزنتركرنا ئاریشێ ،بۆ چارەسەریا ڤێ كێشەیا هێدی هێدی مەزن دبت مە پێتڤی ب هەولێن سەركردایەتیا كوردستانێ و هیمەتا جەنابێ رێبەرێ كوردستانێ (مەسعود بارزانی ) هەیە داكو شنگالێَ كو ئاخا كوردستانێ یە و ئێزدیان كو كوردێن رەسەنن بپارێزت ئەگەر نە دێ جینۆسایدا(75)ێ یا ئێزدیان هەر دێ ب دەستێ ئێزدیان بت.
تُتاح هذه الصورة أيضا في: کوردی