كارتێكرنا ژینگەهێ و خەلك
عزەت برۆ
ژینگەه ناڤەندەكا سروشتی یە ژ وان هەموو تشتێن ل دەوروبەرێ مە پێك دئێت و پەیوەندیێن راستەوخۆ و نا راستەوخۆ ب ژیانا مرۆڤ و زیندەوەران ڤە هەیە و كارتێكرنا خۆ لسەر هەیە ، دڤێت ئەڤ كارتێكرنە ب شێوەیەكی یە هەڤسەنگ بت ئەگەر هات و ئەڤ هەڤسەنگیە تێكچوو دێ بتە ئەگەرێ پیسبوونا ژینگەهێ و كارتێكرنێ ل ژیانا مرۆڤ و زیندەوەران دكت،ئەو ژینگەها مرۆڤ تێدا دژیت ژ چەند جۆرێن ماددێن جیاواز پێك هاتیە وەكی ئاڤ و هەوا و ئاخ و چەند ماددێن دی ژی هەنە ژینگەهێ كاریگەریەكا گشتی لسەر كۆمەلگەهێ هەیە،ژبەر ڤێ چەندێ دەولەت گرنگیەكا زۆر ب ژینگەهێ ددەت و وەكو سامانەكی گرنگ كۆمەلگەهێ تەماشە دكت.
گرنگیدان ب ژینگەهێ گرنگیدانە ب ژیانێ چنكو هەر زیندەوەرەكی لسەر ئەردی دژیت ژینگەهەكا تایبەت بخۆ هەیە هەر ئاریشەیەكا د ژینگەهێ دا پەیدا دبت دبتە ئەگەرێ دروستبوونا كێشەیەكێ دژیانا مرۆڤان و زیندەوەران دا،چنكو دێ بتە ئەگەرێ زیان گەهاندنا چاڤان و حەفك و پیست و دەروونی و چەندین نەخۆشیێن گران هەنە كو ئەگەرێن وان پیسبوونا ژینگەهێ نە ، ژبەر هندێ ئەو وەلاتێ ژینگەها وان یە پیس خەلكێ وی وەلاتی هەست ب دوو دلیێ و تۆرەبوونێ و بێهنتەنگیێ دكن،هەروەسا ئەو وەلاتێن خودان ژینگەهەكا پاقژ خەلكێ وی بتر هەست ب ئارامیا دەروونی و كەیف خۆشیێ دكت ژبەركو دەمێن بێهنڤەدانێ خەلك پێتڤی جیەكی دلڤەكەر و گەشتیاری یە داكو دەمێن خۆ لێ ببۆرینن.
هەروەسا پێتڤیە دەولەت ب هەموو دام و دەزگەهێن خۆڤە هەولا پاقژ راگرتنا ژینگەهێ بكت و ب رێیا رێكخراوێن سڤیل و راگەهاندنێ و تۆرێن جڤاكی و ڤەكرنا خۆل و سمیناران بۆ هشیاركرنا خەلكی و پاراستنا ژینگەهێ،دیسان دڤێت دەولەت ب رێكارێن یاسایی هەولا كێمكرنا وان كارگەه و ترومبێل و پاشماوەیێن زێدە بێنە رێكخستن و لدووڤ ستاندەرێن جیهانی كار بكن و هەموو مەرجێن پاراستنا ژینگەهێ بێنە دانان.
تُتاح هذه الصورة أيضا في: کوردی